Artur Masen eta Kataluniako kargu ohien etxebizitzak enbargatuko dituzte

Espainiako Kontu Auzitegiak Artur Mas Generalitateko presidente ohiaren etxebizitza bat behin-behinean enbargatzeko agindua eman du.

2014ko azaroaren 9ko galdeketa antolatzeagatik, 5,2 milioi euroko zigorra ezarri zion Kontu Auzitegiak. 2,9 milioi euro ordaindu ostean, etxebizitza bat berme gisa aurkeztu zuen Masek eta orain hura enbargatzea ebatzi dute.

Francesc Homs, Joana Ortega eta Irene Rigau kontseilari ohiek eta Jordi Vilajoana Presidentzia idazkari nagusi izandakoak ere gauza bera egin zuten eta haiei ere berme moduan aurkeztu zituzten etxeak kendu egingo dizkiete.

Auzipetuek bost eguneko epea dute helegitea aurkezteko eta etxebizitzak enbargatzea saihesteko.