Sarek deitutako martxan Bilboko kaleak 'lepo betetzea' eskatu du Etxeratek
Sare Herritarrak urtarrilaren 13rako deitu duen manifestazioan Bilboko kaleak “lepo betetzea” eskatu du gaur Etxerat Euskal Preso eta Iheslari Politikoen Senide eta Lagunen Elkarteak.
Elkarteak prentsaurrekoa eman du Hernanin (Gipuzkoa), eta Espainiako eta Frantziako estatuek “salbuespen politikak mantentzeko” eta konponbidea “blokeatzeko” duten “erosotasuna” kritikatu du agiri batean.
2017an zehar pauso “oso garrantzitsuak” eman direla azpimarratu du elkarteak, besteak beste, apirilaren 8an, Baionan, gertatu zen “ETAren armagabetzea” eta Parisen, abenduaren 9an, presoen alde egin zuten manifestazioa.
Euskal Preso Politikoen Kolektiboak (EPPK) 2017an planteatutako “erabaki eta erronka berriak” baikor hartu ditu Etxeratek, eta Foro Sozialaren lana goraipatu du, Eusko Legebiltzarreko eta Nafarroako Parlamentuko “gehiengo zabal bat gaixotasun larriak dituzten presoentzako irtenbide baten alde” agertzea ahalbidetu zuelako.
“Borondate falta eta ankerkeria”
Etxeraten hitzetan, ETAk armak behin betiko uzten zituela iragarri zuenetik sei urte pasa dira dagoeneko, baina Espainiako eta Frantziako estatuek euren “borondate falta eta ankerkeria argi uzten jarraitzen dute”. Horregatik, egoerarekin bukatzeko “aurrera egiten jarraitzea gizarte osoaren ardura” dela erantsi du elkarteak.
Bestalde, afiliatu guztiei manifestazioan parte hartzeko dei egin dien ELA sindikatu abertzaleak.
2017an zehar “euskal preso politikoen aintzatespenean eta eskubideen aldarrikapenean” emandako pausoak baloratu ditu sindikatuak agiri batean, baita Euskadiko eta Nafarroako indar politikoen gehiengo zabal batek gaixotasun larriak dituzten presoak askatzeko egindako eskakizuna ere.
Era berean, Steilas sindikatuak mobilizazioarekin bat egin du. Azken hilabeteetan bizikidetza eta adiskidetzea diseinatzeko “premiazko beharrizanean” aurrerapausoak eman direla goraipatu du sindikatuak, baina Gobernu zentralak “mendeku espetxe politika eta presoen zein haien senideen eskubideak urratzen” dituela kritikatu du. “Oso larria da”, gaineratu du.
Podemosek militanteen esku utzi du erabakia
Bestalde, manifestazioan parte hartzeko azken erabakia militante “bakoitzaren esku” utzi du Podemosek.
Euskadiko eta Nafarroako Podemosek agiri bateratua argitaratu dute. Deialdiaren “oinarri zabal” bat partekatzen dutela azaldu du alderdi moreak, baina “birgizarteratzea, presoek egindako kaltea onartzea, sufrimendu bidegabea eta indarkeriaren deslegitimazioa” faltan botatzen dituztela erantsi du.
Albiste gehiago politika
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.