Zoidok dio 87 milioi euroko kostua izan zuela Katalunian 6.000 agente izateak U-1ean
Juan Ignacio Zoido Espainiako Barne ministroak azaldu duenez, 87 milioi euroko kostua izan zuen urriaren 1eko independentziari buruzko erreferendumaren harira 6.000 agente inguru (polizia nazionalak eta guardia zibilak) Katalunian izateak. Egun hartan egindako polizia-operazioa babestu du Zoidok; horren esanetan, Espainiako Polizia Nazionalaren eta Guardia Zibilaren jarduna "legitimoa, profesionala eta neurrikoa" izan zen.
Espainiako Barne ministroak agerraldia egin du gaur goizean Senatuan, urriaren 1eko polizia-operatiboaren inguruko azalpenak emateko; kostuari buruzko azalpen zehatzik eman ez badu ere, 87 milioi horien barne ei daude ostatua, mantentzea, desplazamenduak, dieta eta osagarriak.
Copernico operazioaren baitan, 6.000 agente egon ziren Katalunian 2017ko irailaren 30etik urriaren 2ra arte, eta 4.500 inguru, luzaroago.
Zoidok deitoratu egin du egun hartan jazotakoa: "Gertaera penagarriak dira eta, ez ziren zertan gertatu, baina Estatuko Segurtasun Indarrek ezin dute beren erantzukizuna saihestu; ezin dute beste alde batera begiratu, eta egoerak eskatzen duenean parte hartu behar dute. Gainera, agintari judizialak edo fiskalak agindu zuen", esan du.
"Modu eredugarrian eta baldintza oso zailetan aritu ziren, beren betebeharra egiteko, legearen barruan eta legea betez. Beren jarduna legitimoa, profesionala eta neurrikoa izan zen, eta hori ez dut nik esan, Fiskaltzak baizik", nabarmendu du Barne ministroak.
Mossoen "erabateko geldotasuna", eta laguntzarik ez
Espainiako Barne ministroak adierazi du, gainera, agerraldian, erreferenduma egin baino lehenagoko bileretan Esquadra Mossoek esana zutela plan berezia zegoela egun horretarako, agente eta lan-ordu gehiagorekin; Zoidoren asmoa izan da gertatutakoaren berri ematea, eta iritzirik ez ematea, eta azaldu du urriaren 1eko goizeko lehen orduetatik heldu zitzaiola Mossoak "eraginkortasun oso mugatuta ari zirela erakusten epai-agindua bete eta bozketa-zentroetako okupazioa eta irekiera saihesteko".
Gauzak horrela, kritikatu du Esquadra Mossoek "erabateko geldotasuna" islatu zutela, eta ez zutela inolako laguntzarik eman, aipatutako agindua betetzeko. Horrez gain, eman dituen datuen arabera, 948 udalerrietako 149etan boto-emaileen kopurua erroldatutako lagunena baino handiagoa izan zela.
agoa izan zela.Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.