2019ko hasieran status berriaren inguruko galdeketa egitea planteatu du EH Bilduk
Euskadiri eskumen gehiago ematen dizkion eta Estatuaren eskuduntzak mugatzen dituen status politiko berria proposatu du EH Bilduk. Horretarako, datorren urteko hasieran galdeketa “ez lotesle” batean herritarrek bozkatzea planteatu du koalizioak.
Gernikako Estatutua erreformatzeko formulak aztertzeko sortu zuten lantaldea gaur bildu da, Eusko Legebiltzarrean. Talde politiko bakoitzak oinarrizko proposamen bat aurkeztu du.
Aldez aurretik finkatutako mugarik gabe “Euskal Herriaren” erabakitzeko eskubidea “gauzatzeko” prozedura bat eskatu du EH Bilduk.
Kronograma
Koalizioak kronograma bat aurkeztu du: 2018ko lehen seihilekoan herritarren eta alderdien arteko partaidetza prozesu bat; ondoren alderdien arteko eztabaida testu proposamen bat osatzeko (uztailetik irailera), eta udazkenean aditu talde batek testuari forma emango lioke.
Horrela, udazkenean Eusko Legebiltzarrak status berria bozkatuko luke, eta onartuko balu, herri-galdeketa 2019aren hasierarako deituko litzateke.
Estatutua erreformatzeko egungo prozedurak “mota honetako galdeketa bat aurreikusten” ez duela onartu du EH Bilduk, “baina eragozten duen debeku argi eta garbirik ez dago”.
Status berria berretsi ondoren, “Estatuarekin negoziazio eta akordiorako” fase bat zabalduko litzateke, Diputatuen Kongresuan eta Senatuan Lege Organiko bidez onartzeko, Kontzertu Ekonomikoaren antzera.
Prozesua beste erreferendum batekin bukatuko litzateke, oraingoan, “juridikoki loteslea”, herritarrek status berria berresteko.
Izaera "konfederala"
Status berriak Euskadiri izaera “konfederala” ematea nahi du EH Bilduk, “Espainiaren, EBren eta nazioartearen baldintza beretan egoteko”. Horrela, EAEren “foru-baimena eguneratu” nahi du koalizioak, Estatuak erkidegoan duen esku-hartzea “mugatzeko”, eta horrela “legez kanpoko esku-sartze ez-legitimoak” saihesteko.
Koalizioaren ahotan, “Euskal Estatu Erkidegoaren” eta Espainiaren arteko harremana batzorde paritario batean garatu behar da, “aldebiko harreman eraginkorra” izateko.
EH Bilduren hitzetan, “Euskal Herriko lurraldeen (Euskadi, Nafarroa eta Ipar Euskal Herria) arteko lankidetzarako egitura berriak sortzeko” atea zabaldu behar du status berriak. Egitura berri horiek “lurralde bakoitzeko herritarrek erreferendumean berretsi behar dituzte”, erantsi du.
Bestalde, Trebiñu (Gaztela eta Leon) eta Villaverde Turtzioz (Kantabria) Euskadin barneratzea planteatu du EH Bilduren proposamenak.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.