'Altsasu kasuaren injustizia' salatzeko martxa abiatu dute Nafarroan
Nafarroako 44 elkarte eta erakundek deituta, bira bat hasi dute gaur 'Altsasuko guraso' eta lagunek herriko 8 gaztek 2016ko urrian guardia zibilarekin izandako liskarraren ondorioz jasaten ari diren "injustizia" salatzeko. 09:00etan abiatu da ibilaldia Altsasuko suhiltzaileen egoitza parean.
Antxon Ramirez, auzipetutako gazte baten aitak esan du hau guztia "zentzugabekeria" dela azaltzeko beharra dutela: "Gure kasua ez da terrorismoa. Liskar batetik nora eraman duten harrituta dago gizartea eta guk jarraitu behar dugu informatzen eta esaten hau injustizia bat dela".
3 akusatuk urtebete baino gehiago daramate Madrilgo espetxeetan. Senideek ia 60.000 euro gastatu dituzte joan-etorrietan, eta auto istripu bat ere izan dute. Apirilean hasiko den epaiketarekin "beldurtuta" daudela esan dute gurasoek.
Altsasutik abiatu eta Zubirin egin dute lehen geldiunea. Hamaiketakoarekin hartu dituzte herritarrek. "Nahi dugu babes guztia eman, ikusteko ez daudela bakarrik. Azkenean euren kausa guztion kausa delako" esan du bertaratu den Maite Arrizabalagak.
Garraldan ere izan dira, eta, Otsagabian bazkalduta, Irunberrin eta Zangotzan izan dira arratsaldean.
Martxoaren 25era arteko bira
Otsailaren 3an egindako agerraldi batean aurkeztu zuten martxa. "Zortzi familia hauek nozitzen ari direna justiziaren erabilera makurraren ondorio da" esan zuten antolatzaileek, eta ildo horretan, izen handiko legelariek, erakunde publikoak eta gizarteak berak horrela adierazi dutela nabarmendu zuten.
Martxaren deitzaileek salatu zutenez, kasu honek demokrazioan bermatuta behar luketen "oinarrizko eskubide eta printzipioak urratu ditu": errugabetasun presuntzioa, epaile naturalaren eskubidea, legearen erabilera ez estentsiboa, proportzionaltasun printzipioa, defentsa eskubidea eta askatasun eskubidea. Zentzu honetan, martxoan Nafarroako Lurralde Auzitegiak kaleratu zuen autoa nabarmendu zuten. Bertan, Auzitegiak zioen terrorismo zantzurik ez zegoela 2016ko gertaeretan eta, beraz, Nafarroan egin beharko litzatekela instrukzioa.
Aitzitik, apirilaren 16an hasiko da epaiketa Auzitegi Nazionalean, eta fiskaltzak 375 urte eskatu ditu zortzi akusatuentzat. Horietako hiruk, gainera, urte eta erdi baino gehiago daramate kartzelan.
Epaiketaren aurretik, kasuaren inguruko informazioa Nafarroa osoan zabaldu nahi dute, "bertatik bertara". Altsasun abiatu da ibilaldia gaur, otsailak 24, eta martxoaren 25ean amaituko da Erriberan. Tartean, beste hainbat tokitan izango da, martxoaren 17an, adibidez, Iruñan.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.