EiTB Focus: EAJ irabazle, hiru eserleku gehiagorekin, lurraldeko bat
Euzko Alderdi Jeltzaleak (EAJ) irabaziko lituzke Euskal Autonomia Erkidegoko (EAE) hauteskundeak, hiru eserleku gehiagorekin, lurraldeko bat, EiTB Focusen zortzigarren inkestaren arabera.
EiTB Taldearentzako makroinkesta otsailaren 22an eta 23an egin zuen Gizaker etxeak, 1.200 pertsonari galdetuta: 400 Araban, 400 Bizkaian eta 400 Gipuzkoan. Astearte honetan, boto asmoari buruzko datuak ezagutarazi ditu EiTBk. Martxoaren 8an, berriz, EAEn berdintasunari buruz inoiz egin den galdeketarik handienaren emaitzak kaleratuko ditu.
Alderdi Popularrak (PP) izango lituzke emaitzarik kaxkarrenak, hiru ordezkari galduko bailituzke. Elkarrekin Podemosek eserleku bat gutxiago lortuko luke. Inkestaren arabera, Ciudadanos (Cs) Eusko Legebiltzarrean sartuko litzateke, legebiltzarkide batekin. EH Bilduk eta PSE-EEk gaur egun duten ordezkari-kopuruari eutsiko liokete.
Eserleku banaketaren grafikoa, estimazioaren arabera:
Boto asmoa, ehunekotan:
Datuak lurraldez lurralde aztertuta, Araban egongo litzateke mugimendu gehien. Alderdi Popularrak bi legebiltzarkide gutxiago eskuratuko lituzke, Ciudadanosen eta EAJren mesedetan. Ordezkari bana lortuko lukete, eta lehenengoa Ganberan sartuko litzateke, aurreneko aldiz.
Gipuzkoan, PPk eserleku bat galduko luke.
Bizkaian, EAJk ordezkari bat gehiago lortuko luke, Elkarrekin Podemosen kaltetan. EH Bilduk azken eserlekua ziurtatuko luke.
Gobernu itunari buruz galdetuta, herritarren % 57k EAJ eta PSE-EE alderdien arteko hitzarmena babestu dute, 1etik 10era 5,1eko nota emanez.
Herritarrek politikarien inguruan duten iritziari dagokionez, Iñigo Urkullu eta Maddalen Iriarte dira balorazio onena eskuratu dutenak: 6,2ko nota jaso dute.
Fitxa teknikoa
Ikerketa egiteko, EAEko 1.200 bizilagun elkarrizketatu dituzte: 400 Araban, 400 Bizkaian eta 400 Gipuzkoan.
Lurralde historiko, udalerri, sexu eta adinaren arabera geruzatutako zorizko lagina da. Lagin-akatsa ±2,83koa da, % 95eko konfiantza mailarekin (p=q=0'5, datu orokorretarako).
Inkesten % 21,8 euskaraz egin dira eta gainerako % 78,2a, gaztelaniaz. Emaitzak herrietako biztanle kopuruaren arabera haztatu dira.
Elkarrizketak 2018ko otsailaren 22an eta 23an egin ziren, telefonoz.
Zure interesekoa izan daiteke
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.