Jaurlaritzak 'zatituta' aurkeztu dio EBri autogobernu eta kontsultei buruzko idatzia
Eusko Jaurlaritzak “Europaren etorkizunaren inguruko ikuspegia” dokumentua aurkeztu du, Europar Batasunari helarazteko, eta, bertan, Europako araudian autogobernu mailako kontsultei buruzko zuzentarau bat gehitzea proposatu du, PSE-EEko sailburuen ezadostasunarekin.
Lehendakariak ekimena aurkeztu du gaur, eta idatziak "Europar Batasun soziala, federala eta maila anitzeko gobernantzan oinarritutakoa" defendatzen duela azaldu du. Urkulluren hitzetan, asteartean onartu zuen testua Gobernu Kontseiluak, PSE-EEko hiru sailburuek “Europa Politikoa” atalean esaten zenarekin “ezadostasuna eta objekzioa” erakutsi zutela.
Atal horretan, Gasteizko Exekutiboak eskatzen du estaturik gabeko nazio eta herriak EBren gobernantzan txertatzeko ereduari buruzko elkarrizketa abiatzea eta aldarrikatzen du “eskualde eta nazio konstituzionalek” erabakietan parte hartzeko bideak zabaltzea.
Proposamen konkretu horren arabera, dokumentuak, sozialisten ezadostasunarekin, “Eskualde Konstituzionalek parte hartzeko erakunde bat sortzeko aukeraren” alde egiten du, “susta dezan Eskualdeak EBren benetako subjektu aktiboa izatea, komunitatearen politikak diseinatzen eta erabakiak hartzeko prozesuetan bete-betean parte hartu dezaten“.
PSE-EEren babesik gabe, halaber, testuak eransten du EBren araudian Argitasun Zuzentarau bat gehitu beharko litzatekeela, bere etorkizunari buruz erabakitzeko asmoa argi eta garbi erakutsi duten lurraldeek “ahal izan dezaten legez eta parte hartzen duten estatuarekin adostuta eta haren bermeekin herritarrei bere etorkizunari buruz galdetu”.
Lehendakariaren esanetan, PSE-EEko sailburuen ezadostasuna “normaltasun osoz” jaso dute proposamenean, gobernu programan bezalaxe, eta azpimarratu du Eusko Jaurlaritzaren dokumentu bat dela eta eduki nagusian bat datozela bi gobernukideak.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.