Altsasuko auzian 'justizia' eskatzeko manifestazioa babestu du Foru Parlamentuak
Nafarroako Parlamentuak, lauko gobernua osatzen duten alderdien aldeko botoekin, Altsasuko auzian "justizia" eskatzeko apirilaren 14rako deituta dagoen manifestazioan parte hartzeko deia egin du.
Ganberako Bozeramaileen Batzorde eta Mahaiak adierazpen instituzionala onartu dute gaur Geroa Bai, EH Bildu, Podemos-Ahal Dugu eta I-E alderdien aldeko botoekin —oposizioak kontra bozkatu du—.
Auzipetutako zortzi gazteen familiek eta Altsasukoak Aske Herri Plataformak deitu dute manifestazioa, "Justizia. Ez da terrorismoa" lelopean.
Iruñean izango da mobilizazioa, apirilaren 14an, Auzitegi Nazionalean epaiketa hasi baino bi egun lehenago, alegia. Auziak 2016ko urriaren 15ean Altsasuko taberna batean izandako liskarra du iturburu. Bi guardia zibil eta euren bikotekideak zauritu ziren borrokan, eta Auzitegi Nazionalak terrorismotzat jo zuen gertatutakoa. Auzipetuentzat 375 urteko kartzela zigorra eskatu dute. Hiru gazte badaezpadako kartzelaldian daude atxilotu zituztenetik (500 egun daramatzate jada).
Lauko gobernua osatzen duten alderdiek gazteentzat "justizia" aldarrikatu dute. Oposizioak —UPN, PSN y PPN— kritikatu duenez, berriz, erabaki judizialetan eskua sartu nahi du Ganberak.
Koldo Martinez Geroa Baiko bozeramaileak esan du adierazpen horren bidez "giza eskubideen, askatasunaren eta berme demokratikoen alde" daudela erakutsi nahi izan dutela.
Adolfo Araiz EH Bilduko parlamentariak azpimarratu du "bidegabea" dela "taberna batean gertatuko liskar bat" terrorismotzat jotzea eta auzipetuak epaiketarik gabe kartzelatu izana.
"Liskarrean Estatuko segurtasun indarretako kideak nahasita egon arren, Altsasun gertatu zena ez da terrorismoa. Terrorismo kontzeptuaren erabilera maltzurra eta gehiegizkoa egiten ari dira", kritikatu du.
Laura Perez Podemoseko ordezkariak esan du egoera "oso larria" dela eta gogoratu du ez dutela "zigorgabetasuna" eskatzen. Alderantziz, "berme guztiak izango dituen prozesu judizial proportzionala eta justua eskatzen dugu". Horrez gain, Guardia Zibilak eta biktimek "zentzuz" jokatzeko deia egin beharko luketela iritzi dio eta auzi honetan PSNk "beste aldera" begiratu izan deitoratu du.
Jose Miguel Nuin Izquierda-Ezkerrako bozeramaileak ere "bidegabetzat" eta "gehiegizkotzat" jo du Altsasuko gazteei terrorismo delitua leporatu izana. "Justizia eskatzen dugu eta justizia ez da gertatu zena terrorismotzat jotzea", erantsi du.
Javier Esparza UPNko buruzagiak esan du adierazpenaren alde bozkatu duten taldeek "epaileak presionatu" nahi dituztela, eta bere taldeak ebazpen judizialak errespetatzen dituela berretsi du.
Maria Chivite PSNko arduradunak adierazi du ez dutela Parlamentuaren adierazpena babestu, "Altsasun gertatu zena ez zelako taberna bateko liskar soil bat izan".
Ana Beltran PPNko bozeramailearen iritzian, gaur onartutako adierazpena "jokoz kanpo" dago.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.