Rajoyk terrorismoaren biktima guztiak goretsi ditu 'bereizketarik gabe'
Mariano Rajoy Espainiako Gobernuko presidenteak terrorismoaren biktima guztiak gogoratu ditu, "bereizketarik eta kategoriarik gabe", guztiei eragin dielako ETAren "indarkeriaren fanatismoak".
Rajoyk agerraldi instituzionala egin du Moncloa Jauregian, ETAren amaiera hizpide hartuta. "Ez diegu ezer zor, ezta ezer eskertu behar euren porrota onartzeagatik", adierazi du Rajoyk.
"Gaur, derrigorrezkoa da gure lehen pentsamendua ETAren biktimei zuzentzea, ez baitago justifikazioentzat eta aitzakientzat tokirik", esan du Rajoyk. "Ez dago horrenbeste min justifikatzeko ezer", gaineratu du.
Rajoyren arabera, ETAren krimenak "ikertzen eta epaitzen jarraituko dute, baita zigorrak betetzen ere". "Ez zen egon eta ez da egongo delitu eta atentatuentzat inpunitaterik", iragarri du.
Hori dela eta, "ez dute ezer lortuko ETAren desegitea iragartzeagatik", azaldu du, eta "denbora gehiegi eman du bere porrota onartu gabe", erantsi du.
"ETAk ez du bere historia kriminal luzean ezarritako helburu bat ere lortu, bat ere ez", eta "terroristek ez dute hiltzeagatik, edo hiltzen uzteagatik, abantailarik lortuko", esan du.
Terrorismoaren aurkako Ituna
Bestalde, Juan Ignacio Zoido Barne ministroak Terrorismoaren aurkako Ituneko alderdiak deituko ditu datozen egunotan ETAren amaieraren ingurukoak aztertzeko, horren esanetan.
Terrorismoaren aurkako Ituna demokraten batasunaren erakuslea dela esan du Rajoyk, eta orain "demokrazian, Justizian eta Espainian sinesten dugun guztion batasun elementua" izan behar da.
"Espainiako demokraziak ETA garaitu duela esan dezakegu", azpimarratu du.
"Ez dugu orrialdea pasatu behar"
Bestalde, Rajoyk ohartarazi duenez, "gaurkoa ez da orrialdea pasatzeko edo besoak jaisteko modukoa; ETAren eta ETAk egin zuenaren eta egiten saiatu zenaren aurkako borrokarekin jarraitu behar dugu, inor ez dadin saiatu Espainiako historiaren garai hori berridazten".
Espainiako presidentearen hitzetan, gaurkoa "poztasun" eguna da "herri gisa egindako lanagatik"; ildo horretan, terrorismoaren aurrean Espainiako gizarteak izan duen "pertseberantzia, kemena eta fede demokratikoa" goretsi ditu.
Rajoyeren esanetan, gazteenek eta haurrek "zorionez" ez dute ETA ezagutu, "orain dela asko utzi diotelako horren krimenak albiste izateari".
Hala ere, ETA 60 urtez jardun dela nabarmendu, eta "orrialdea ez pasatzeko" eskatu du Rajoyk.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.