'Euskararen inposizioa' salatzeko 'karabana' egingo du PPk Nafarroan barrena
Foru Gobernuak "euskara inposatzen" duela salatzeko eta horren arriskuez ohartarazteko "karabana linguistikoa" antolatu du Nafarroako PPk.
Ana Beltran Nafarroako PPren presidenteak prentsaurrekoan azaldu duenez, "karabana" larunbatean abiatuko da Tuteratik "Gehiengoari errespetua. Euskararen inposizioari ez" lelopean. Itzulian alderdiko hainbat kidek parte hartuko dute, informazioa eman eta hurbiltzen zaizkien herritarrei entzuteko.
"Karabana horren helburua da nafarrak ohartaraztea Gobernuak dituen asmoez. Euskal hiztunen eskubideek argudiatuta, euskara injektatu nahi digute, halabeharrez, aukeratzeko askatasunik gabe, eta herritarren % 93k hitz egiten ez dutela eta hizkuntza ofiziala ez dela ahaztuta", kritikatu du.
Eremu ez-euskaldunetako errepideetan dauden kartel elebidunak eta Nafarroako Gobernuaren zentralitara edo osasun etxeetara deitzean lehen hitza euskaraz egitea aipatu ditu Beltranek "inposizio" horren adibide gisa.
Beltranen esanetan, "euskara gure erkidegoko hizkuntza propioa da, errespetatu egiten dugu, baina ez dugu inoiz onartuko politizatzea, eta Nafarroa eta Euskadi bat egiteko arma gisa erabiltzea".
Ildo horretan, EAJk Autonomia Estatu berriaren hitzaurrerako egin duen proposamena (Euskal Herria zazpi lurraldetan, Nafarroakoa barne, finkatutako herri gisa definitzea nahi dute jeltzaleek) gogor salatu du Beltranek. Horren irudiko, "Uxue Barkosek eta Iñigo Urkulluk bide orri bera dute: bi erkidegoek bat egitea. Espainiako erkidegoen artean berea desagertzea nahi duen presidente bakarra da gurea (Barkos)".
Foru Gobernuaren erantzuna
PPren "karabana linguistikoaz" eta ekainaren 2an Iruñean deituta dagoen manifestazioaz galdetu diote gaur Maria Solana Nafarroako Gobernuaren bozeramaileari. Aitortu duenez, deitzaileek manifestaziorako eskubidea dute, baina "deigarria" iruditu zaio martxa "herritarren hizkuntza eskubideen kontra" antolatzea.
"Leloak irakurrita, kosta egiten da argudioak ulertzea. 'Inposizioa', esaterako, 'zer, nola, noiz, nori eta zeri buruzkoa' galdetu beharko genuke", nabarmendu du.
Karabanari buruz xehetasunik ez duela aitortu du: "Suposatzen dut baimenak izango dituela".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".