Euskara ofiziala eta zonifikaziorik gabea izatea eskatu du Euskal Herrian Euskarazek

Ehunka pertsona bildu dira gaur arratsaldean Iruñean Euskal Herrian Euskaraz plataformak deitutako manifestazioan. Euskara ofiziala izateaz gain, eremurik edo mugarik ez izatea aldarrikatu dute.

Martxa Iruñeko erdiguneko kaleetan ibili da, autobus-geltoki zaharretik Gazteluko plazara.

EH Bilduk manifestazioa babestu du, eta parte hartzeko deia egin zien herritarrei ohar baten bidez, "euskararen ofizialtasunaren alde eta zonifikazioaren aurka".

Sortuk ere bat egin du ekimenarekin, eta babesa eskatu du "oztopoak gainditzeko, hizkuntza normalizazioan aurrera egiteko, eta euskararen ofizialtasuna zein hizkuntza politika burujabea eskatzeko garaia" delako.