Quim Torra Kataluniako presidente izendatu dute CUPen abstentzioarekin
Parlamentak Quim Torra inbestitu du bigarren bozketan gehiengo sinplearekin. JxCAT eta ERCren 66 aldeko bozkagatik eta CUPen lau abestentzioengatik lortu du Kataluniako presidente izatea, Carles Puigdemont kargugabetu eta 199 egunera.
Ciudadanos, PSC, Catalunya en Comu-Podem eta PPCren kontrako 65 boto jaso ditu Torrak. Horrela, Puigdemonten lekukoa hartuko dut Torrak, Generalitateko presidente ohia, Jordi Sanchez eta Jordi Turull izendatzeko saiakera antzuen ondoren.
Estatutuarekin ados, Quin Torra inbestitu ondoren, Erregeak formalki izendatuko du. Generalitateko historiaren 131. presidenta izango da. Gainera, Kataluniako Generalitatearen Aldizkari Ofizialean argitaratuko beharko dute izendapena, bost eguneko epearen barruan.
Roger Torrent Parlamenteko presidenteak JxCaten presidentegaiak gehiengo nahiko lortu duela jakitera eman ondoren, Ganberako diputatuak zutik jarri dira (oposizioko gehienak txalotu gabe), Torrak Esla Artadi taldeko bozeramailea besarkatzen zuen bitartean.
Segituan Torra Parlamenteko pasilloetara joan da, gainerako buruzagi parlamentarioak agurtzeko: lehendabizi Sergi Sabriari (ERC) besarkada eman dio, eta ondoren Ines Arrimadas, Miquel Iceta, Xavier Garcia Albiol, Carles Riera eta Xavier Domenechi bostekoa eman die.
Geroxeago, president gisa lehen hitzaldia emateko, atrilera igotzeko gonbit egin dio Torrentek, eta ondoren Els Segadors Kataluniako ereserkia kantatu dute diputatuek, saioari amaiera emanez.
Torraren inbestidura ospatu du Marcel Mauri Omniumeko presidenteordeak, “155.a uxatzeko eta sekula bahitu behar izan ez zituzten erakundeak berreskuratzeko pauso garrantzitsua delako”.
“Elkarrizketaren bideari eta erakundeen arteko harreman politikoetan akordioari berriz eusteko” garai berri bat izatea opa dio Iñigo Urkullu lehendakariak Torrari. Zentzu horretan, “lankidetza bidea jorratzeko jarrera” azaldu dio EAEko buruzagiak president berriari. Facebook sare sozialean, Torra zoriontzeko mezu bat bidali izana onartu du Urkulluk.
Era berean, EAJk Joaquim Torra zoriondu du. “Abenduaren 21ean, hautestontzietan herritarrek azaldutako borondatearen isla izango den Govern bat laster osatzea” espero dute jeltzaleek, eta Konstituzioaren 155. artikulua aplikatzeari uztea eskatu dute.
“131 presidentari zorterik onena” opa diote jeltzaleek Torrari agiri batean, haren arrakastak “Kataluniako herriaren arrakastak izango direlako”.
Maddalen Iriarte EH Bilduren Eusko Legebiltzarreko bozeramailea eta Jasone Agirre koalizioko legebiltzarkidea Torraren inbestidura saioan izan dira.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.