Rajoyk eta Sanchezek Konstituzioa defendatzeko akordioa berretsi dute
Mariano Rajoy Espainiako Gobernuko presidenteak eta Pedro Sanchez PSOEren idazkari nagusiak Konstituzioaren araberako ordena defendatu eta erantzun "adostua eta neurrikoa" ematea erabaki dute, Konstituzioan eta Estatutuan jasota ez dauden egitura politikoak martxan jartzeko edonolako "saiakerari" aurre egiteko, Moncloatik eta PSOEtik ohar baten bidez adierazi dutenez.
Espainiako Gobernuko buruak eta buruzagi sozialistak 50 minutuko bilera izan dute gaur, asteartea, eta elkarrekin aritzea adostu dute, Quim Torra Generalitateko presidente berriaren diskurtso "xenofobo eta oldakorra"ren aurrean.
Oharraren arabera, "Espainiako Konstituzioan eta Kataluniako Autonomia Estatutuan aurreikusitako ez diren egitura politikoak martxan jartzeko edozein saiakera baztertzea" adostu dute bi aldeek.
Gainera, "legedia betetzeko zaintza lana Generalitateko aurrekontuan ere egitea" hitzartu dute, "proiektu secesionistan" diru publikoa ez dela erabiltzen bermatzeko.
Bilera ostean eskainitako prentsaurrekoan Sanchezek esan duenez, Espainia autonomikoaren inguruan zer-nolako ikuspegia duen argitzea eskatuko diote president berriari.
Era berean, PSOEk egoera autonomikoa ebaluatzeko Kongresuko Batzordean Torraren agerraldia eskatuko duela iragarri du, Katalunian "normaltasuna berreskuratzeko" dituen proposamenak azal ditzan.
Rajoyrekin bost akordio hitzartu dituela azaldu du Sanchezek. Adibidez, Generalitatetik proposatutako desafioren aurreko erantzunak "sendoa, lasaia, proportzionala eta batasunetik emandakoa" izatea erabaki dute. Bestalde, "egitura paralelorik ez dela onartuko" adostu dute, kontuak Espainiako Gobernuak gainbegiratuko dituela berresteaz gain.
Bestalde, Rivera ostegunean bilduko da Gobernu espainiarreko presidentearekin. Ciudadanoseko buruak dagoeneko adierazi du Rajoyk 155.a luzatu beharko lukeela.
Atzo bertan, Segoviatik, Rajoyk "elkar ulertu eta akordiorako" asmoa agertu zion Torrari, baina uneoro Konstituzioa eta legea betearaziko duela ohartarazi zion.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.