Lamelak Traperoren aurkako instrukzioa amaitu du eta epaiketaren atarian utzi du
Carmen Lamela Auzitegi Nazionaleko magistratuak amaitu egin du Josep Lluis Trapero Esquadra Mossoen buru ohiaren, Teresa Plana intendentearen, Pere Soler Kataluniako Poliziaren zuzendari ohiaren eta Cesar Puig Barne Kontseilaritzako idazkari nagusi ohiaren kontra abiatutako instrukzioa, eta horren berri eman dio Zigor Aretoari, epaiketa prestatzeko fasea ireki dezan.
Gaur emandako autoan, Instrukzioko 3. Epaitegi Zentraleko epaileak amaitutzat eman du sumarioa, eta Zigor-arloko Salari igorri dio. 10 eguneko epea eman die aldeei beren iritzia ager dezaten.
Magistratuak bi sedizio delitu eta erakunde kriminaleko kide izatea leporatzen dizkio Traperori, 2017ko irailaren 20an eta 21ean Bartzelonako Ekonomia Kontseilaritzaren aurrean gertaturiko egitateengatik eta urriaren 1eko erreferendumarengatik.
Puig eta Solerri, ostera, erakunde kriminaleko kide izateaz gain, sedizio delitu bat egozten die urriaren 1eko gertakariengatik. Laplanaren kasuan, sedizioa soilik leporatzen dio irailaren 20ko eta 21eko gertakariengatik.
Lamelak 2017ko irailaren amaieran hasi zuen instrukzioa, eta, ondorioztatu duenez, Traperok, Solerrek eta Puigek erakunde antolatua osatzen zuten, "zuzendaritza komun baten menpe, piramidearen gailurrean Carles Puigdemont Kataluniako Generalitateko presidentea zelarik". Urriaren 1eko erreferenduma aurrera eraman eta urriaren 27an independentzia aldarrikatzea zuten guztiek helburu, epailearen arabera.
Magistratuaren hitzetan, agintariek ezer ez egiteko agindu zieten mossoei, baita Guardia Zibilaren zein Espainiako Poliziaren ekintzak eta mugimenduak zelatatzea ere.
Gainera, urriaren 1ean mossoek kode propio bat (21 Klabea) erabili zuten Lamelaren arabera. Horrela, mossoek kanal alternatibo bat erabili omen zuten erreferendum egunean, ohiko bidetik informazioa ez partekatzeko. Horretarako, telefono mugikor partikularrak eta korporatiboak erabili ei zituzten agenteek.
37 orrialdeko autoan, atzemandako komunikazioen edukian lankidetza falta agerian geratzen dela ondorioztatu du epaileak: "Ez ekiteko, ezer ere ez egiteko, ez nahasteko, eskurik ez hartzeko, eta toki seguruan, begira egoteko eta informatzeko bakarrik agindu zieten".
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.