EAJk jada erabakia hartu du eta Estebanek jakinaraziko du Kongresuan
Euzkadi Buru Batzarreko (EBB) kideek dagoeneko erabakia hartu dute PSOEren zentsura-mozioaren harira. Erabakia hartu baino lehen, Pedro Sanchezek Diputatuen Kongresuan eman beharreko hitzaldia entzun dute jeltzaleek.
Aitor Esteban Kongresuko bozeramaileak emango du EAJren erabakiaren berri, arratsaldean, Diputatuen Kongresuan egingo duen agerraldian.
Andoni Ortuzar EAJko presidenteak twitter bidez jakitera eman duenez, EAJk dagoeneko erabakia hartuta dauka:
Talde parlamentario bakoitzak mozioaren inguruan hartu beharreko erabakiaren zain, EAJren jarrera erabakigarria izango da. PSOEk, Podemosek eta Kataluniako alderdi independentistek mozioari babesa emanez gero, jeltzaleen bultzadak Pedro Sanchez presidente egingo luke.
Adierazpen labur batean atzo aurreratu zutenez, "mozioa aurkezteko PSOEren arrazoiak eta Pedro Sanchez hautagaiak hartzen dituen konpromisoak entzun ondoren" bere erabakiaren berri emango du Euzkadi Buru Batzarrak (EBB).
Hau da, buruzagi sozialistak mozioaren eztabaidan, Diputatuen Kongresuan, hitza hartu ondoren erabakiko du EAJk.
Pedro Sanchez PSOEko idazkari nagusiak eta Andoni Ortuzar EAJko presidenteak zentsura-mozioaren inguruan hitz egitea adostu zuten iragan astelehenean, iturri jeltzaleek goizean jakitera eman dutenez. Elkarrizketak asteartean hasi ziren, eta asteazken honetan jarraitu dute, eta baliteke ostegunean ere jarraitzea.
Aitor Esteban, Diputatuen Kongresuko EAJren bozeramailea. Artxiboko irudia: EFE
EAJk ez du baieztatu PPren Gobernuarekin adostutako aurrekontu-sailak eta hauteskundeetarako egutegia mahai gainean izatea. Hauteskundeak saihestea jeltzaleen argudioetako bat izan zen aurrekontuei babesa emateko, Ciudadanosek lortuko bailuke garaipena, inkesten arabera.
Bestalde, EAJk zentsura-mozioan zer egingo duen ez diola jakinarazi ziurtatu du Espainiako Gobernuak.
EAJren jarreraren inguruko zalantzak ditu PPk. Jeltzaleen erabakiaren zain, "aurrekontuak eta egonkortasuna" bakarrik eskain ditzakeela onartu du Alderdi Popularrak.
PPko iturriek gogorarazi dutenez, nahiz eta talde politiko guztiekin hitz egin, Espainiako Gobernuak EAJrekin zuzenean ditu elkarrizketak, eta litekeena da Rajoy bera Andoni Ortuzar EBBko presidentearekin harremanetan egotea.
Bestalde, El Independiente egunkariaren albiste bat gezurtatu dute Exekutiboko iturriek. Horren arabera, Mozioaren aldeko botoa emango duela jakinarazi dio dagoeneko EAJk Gobernu zentralari.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.