Zigortutako Altsasuko gazteak atxilotu ditu Guardia Zibilak
Guardia Zibila Altsasura (Nafarroa) joan da gaur libre zeuden zigortutako gazteak atxilotzera. Iñaki Abad (13 urtera zigortua), Aratz Urrizola, Julen Goikoetxea eta Jon Ander Cob (bederatzina urteko zigorra) dira atxilo eramandakoak, azken horren amak Euskadi Irratiari baieztatu dionez. Ainara Urkijo, bi urtera zigortutako gaztea, ez dute eraman.
Urrizola, Goikoetxea eta Cob etxean atxilotu dituzte; Iñaki Abad lanean zegoen, eta atxiloketen berri izan duenean, bere burua Guardia Zibilaren esku utzi du.
Senitartekoek espero zuten atxiloketa (antza, kaleko jantzian ziren agente ugari ibili dira herrian azken orduetan), eta Auzitegi Nazionaleko Zigor Aretoak emandako atxilotze agindu baten harira burutu dute agenteek. Nonbait, fiskalak egin du eskaera, ihes egiteko arriskua argudiatuta.
Coben amak azaldu duenez, Madrilera eramango dituzte laurak, saio arin batean parte hartzeko (16:00etan egingo dute, gaur). Gazteek euren defentsako abokatuak izango dituzte lagun. Epaileak erabakiko du kartzelara bidali ala ez.
Dena dela, senitartekoak ez dira oso itxaropentsu azaldu. Isabel Pozueta Adur Ramirez de Aldaren (kartzelan) amak ETBri azaldu dionez, arroparekin eta dokumentazioarekin motxilatxo bat egitea eskatu diete gazteei. "Ematen du saioa egiteaz gain, espetxera bidaliko dituztela", salatu du.
Atxilotze agindua ere kritikatu du, epaia ez baita irmoa: "Mendekuz beteriko operazioa da. Erokeria bat da, ez dakit zelan gertatzen ari den hau 2018an".
Azaldu duenez, gaur bisita dute Adurrekin Aranjuezeko kartzelan, eta hara joateko prestatzen ari zirela jaso dute atxiloketen albistea.
Bilera Altsasun
Atxiloketen ostean, bilera egin dute dozenaka altsasuarrek Gure Etxea elkartean hemendik aurrera hartu beharreko pausoak erabakitzeko. Aritz Leoz herritarren bozeramaileak ETBri esan dionez, "atzo hasi ginen sumatzen zerbait arraroa gertatzen ari zela, polizia pilo bat zegoen eta herrian". Leozen hitzetan, "herria shock egoeran dago; orain informazioa bildu, gurasoekin hitz egin eta arratsaldeko edo dena delako mobilizazioak adostuko ditugu".
Goizean, elkarretaratzea egin dute Udaletxearen aurrean:
Arratsalderako hainbat mobilizazio deitu dituzte: 17:00etan prentsaurrekoa egingo dute, eta 20:00etan manifestazioa.
Zigor handiak, terrorismoa egotzi ez arren
Ostiralean eman zuen epaia Auzitegi Nazionaleko Zigor Arloko 1. Sekzioak. Epaimahaiak 2-14 urteko kartzela zigorra ezarri zien zortzi gazteei agenteen kontrako atentatua, lesioak, desordena publikoak eta mehatxuak egotzita. Terrorismorik ez zuten epaileek, baina delituongatik ezar daitekeen zigorrik handiena jarri zien, "gertakarien larritasun agerikoa" tarteko.
Altsasuko gazteen gurasoek "astakeriatzat" jo zuten epaia eta ekainaren 16rako manifestazioa deitu zuten, Iruñean.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".