3tik 2k uste dute ona edo oso ona dela euskal taldeak erabakigarriak izatea Espainian
Euskal Autonomia Erkidegoko hiru herritarretatik bik uste dute "ona" edo "oso ona" dela euskal alderdiak erabakigarriak izatea Espainiako politikagintzan. Hala dio Alderdi Popularra Espainiako Gobernutik kanporatu duen zentsura-mozioari buruz egindako EiTB Focus galdeketak.
Gizakerrek Euskal Irrati Telebistarentzat egindako galdeketan Araba, Bizkaia eta Gipuzkoako 450 pertsona elkarrizketatu zituzten telefonoz, ekainaren 4ean eta 5ean.
Ikerketaren arabera, herritarren % 64,8k uste dute "ona" edo "oso ona" dela euskal alderdiak Espainiako politikagintzan erabakigarriak izatea; % 17,8ari berdin zaio; eta % 10rentzat "txarra" edo "oso txarra" da.
Bestalde, % 92,9k esan dute jakin badakitela EAJren botoak "erabakigarriak" izan direla Alderdi Popularra Espainiako Gobernutik kentzeko.
Testuinguru politiko honetan, herritarren erdiak uste du lehen baino "garrantzitsuagoa" eta "beharrezkoagoa" dela euskal alderdiek Espainiako Kongresuan eta Senatuan ordezkaritza izatea. % 40ren iritzian, berriz, lehen bezain garrantzitsua da orain.
Pentsioen auzia konpontzeko gobernu aldaketa ona izango dela uste du galdekatutakoen % 56,8k; % 17,8aren iritzian, denak berdin jarraituko du; eta % 8,9arentzat, aldaketa okerrerako izango da.
Euskal Autonomia Erkidegoko ekonomiari dagokionez, % 43,6k uste dute gobernu aldaketa positiboa izango dela; % 24,4arentzat dena bere horretan geratuko da; eta % 15,8arentzat, egoera ekonomikoak okerrera egingo du.
Espainiako Gobernua orain PSOEk zuzendu arren, herritarren % 44,4k uste dute euskal autogobernua hobetuko ez dela; % 38,7aren aburuz, ostera, hobetu egingo da.
Fitxa teknikoa
Euskal Autonomia Erkidegoan bizi diren 450 pertsona.
La= ± % 4,62, konfiantza-maila: % 95, p=q=0´5, datu orokorretarako.
Lurralde historiko, udalerri, sexu eta adinaren arabera geruzatutako zorizko lagina.
Inkesten % 26,9 euskaraz egin dira eta gainerako % 73,1a gaztelaniaz. Inkesta egindako udalen populazio-tamainagatik haztatutako erabateko emaitzak.
Landa-lana 2018ko ekainaren 4a eta 5a bitartean egin zen telefono bidezko elkarrizketak eginez. Inkestek, batez beste, 5 minutu eta 30 segundo iraun dute; motzenak 4 minutu iraun du eta luzeenak 11.
Zure interesekoa izan daiteke
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
Anboto ETAren buruzagi ohiari erdi-askatasuna eman izana salatu du Covitek, kartzelan "denbora gutxi" eman duela iritzita
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.