Herritarren % 87k uste dute Gurtel epaiaren ostean Rajoyk dimisioa eman behar zuela
Mariano Rajoy Espainiako presidente ohiak Gurtel auziaren epaia ezagutu zenean dimisioa aurkeztu behar zuen, EAEko hamar herritarretik bederatziren ustez. Aste hasieran egin den EiTB Focus inkestak jasotzen duenez, euskal gizarteak PP Gobernutik kanporatu zuen zentsura-mozioan parte hartu zuten alderdien jarrera babesten du.
Gizaker etxeak EiTBrentzat aldiro egiten duen ikerketa soziologikoaren edizio berezia egiteko, 450 elkarrizketa egin dituzte telefono bidez ekainaren 4an eta 5ean (astelehenean eta asteartean). Euskal Autonomia Erkidegoan bizi diren adin nagusikoak galdekatu dituzte horretarako.
Herritarren % 87k uste dute Mariano Rajoyk Gurtel auziaren epaia kaleratu ostean dimisioa aurkeztu behar zuela. Gurtel auziaren epaiak, buruak zigortzeaz gain, frogatutzat jo zuen 1999 eta 2005 bitartean PP “Estatuko interesen aurka bidegabe aberastu zela, horretarako ustelkeria baliatu zuen sistema instituzionala erabiliz”.
Galdetutakoen % 87,1ek uste dute auzia nahikoa arrazoi zela Rajoy Espainiako Gobernutik kanporatzeko.
PP Espainiako Gobernutik kaleratzeko une aproposa zen galdetuta, % 68k baiezko erantzuna eman dute, eta % 21ek ezezkoa. Azken horien artean daude Rajoyk dimisioa aurretik eman behar zuela uste dutenak eta dimisiorik eman behar ez zuela uste dutenak.
PP Gurtel auzian zenbateraino nahasita dagoen galdetuta, herritarren ia erdiek uste dute “erabat” inplikatuta dagoela, % 41en ustez “asko edo nahikoa” inplikatuta dago, eta galdetutakoen % 7k baino gutxiagok uste dute “zerbait, gutxi edo ezer ez” dagoela inplikatuta.
EiTB Focus honetako beste galdera nagusietako bat Diputatuen Kongresuan egindako zentsura-mozioari dagokio. Mozioa babestu zuten alderdi guztiek jaso dute herritarren oniritzia. PPk eta Ciudadanosek ez dute babesik lortu.
Gai honen inguruan EAJk eta EH Bilduk izandako jarrera “positiboa” izan da, inkestan parte hartu duten herritarren ustez.
Gainera, galdetutakoen % 82,2k ontzat jo dute EAJk Rajoy kargutik kentzen laguntzea erabaki izana. EAJren jokabideari zein nota jarriko lioketen galdetuta, 10 puntutik 7 jarri diote, batez beste.
Lautik hiruri “gaizki edo oso gaizki” iruditzen zaie Espainiako Gobernutik kaleratu ondoren PPk bere aurrekontuei zuzenketak aurkeztea Senatuan.
Fitxa teknikoa
Euskal Autonomia Erkidegoan bizi diren 450 pertsona. La= ± % 4,62, konfiantza-maila: % 95, p=q=0´5, datu orokorretarako. Lurralde historiko, udalerri, sexu eta adinaren arabera geruzatutako zorizko lagina.
Ikerketa soziologiko hau egiteko, Euskal Autonomia Erkidegoan bizi diren 450 pertsona galdekatu dituzte. La= ±% 4,62, konfiantza-maila: % 95, p=q=0´5, datu orokorretarako. Lurralde historiko, udalerri, sexu eta adinaren arabera geruzatutako zorizko lagina.
Inkesten % 26,9 euskaraz egin dira eta gainerako % 73,1a gaztelaniaz. Inkesta egindako udalen populazio-tamainagatik haztatutako erabateko emaitzak.
Landa-lana 2018ko ekainaren 4a eta 5a bitartean egin zen telefono bidezko elkarrizketak eginez. Batez beste, 5 minutu eta 30 segundo iraun dute; motzenak 4 minutu iraun du eta luzeenak 11.
Zure interesekoa izan daiteke
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.