Fiskaltzak helegitea aurkeztu du, Iruñeko istiluak terrorismoa izan zirela berretsita
2017ko martxoaren 11n Iruñeko Alde Zaharrean egindako manifestazio batean izan ziren istiluetan parte hartu izana egotzita, Auzitegi Nazionalak bi urteko espetxe-zigorra ezarri zien lau gazteri.
Fiskaltzak ebazpen horren kontrako helegitea aurkeztu du gaur, "ETAren egituraren ildotik jardun" zutela eta, ondorioz, delitu "terrorista" egin zutela iritzita.
Lau gazteak desordena publikoak eragiteagatik zigortu zituzten, baina Jose Perals fiskalak uste du ekintza "terrorista" izan zela. Horrek kartzela-zigorrak zazpi urtera luzatzea ekarriko luke.
"Errepresioari Autodefentsa" izeneko taldeak deitu zuen manifestazioa. Mobilizazioan zehar, Espainiako Poliziaren kontra harriak jaurti zituzten eta kalteak eragin zituzten kutxazain automatiko batean eta hainbat establezimendu eta edukiontzitan.
Auzitegi Nazionalaren epaiak dio ezin daitekeela esan lau auzipetuek "ETA erakunde terroristaren babespean edo beste talderen baten babespean" jardun zutela. Fiskalaren ustez, baina, han gertatu zena ezin daiteke esan "liskarra" izan zela, "ezta gazte talde batek bat-batean egindako desordena publikoak izan zirela".
Alderantziz, fiskalak berretsi egin du "aurretik pentsatutako eta antolatutako ekintza terrorista" izan zela eta Iruñeko "bake publikoa aztoratzeko asmoz" egin zutela. Halaber, ETAren ildoa jarraituz aritu zirela erantsi du, eta 2017ko martxoan ETA desegin gabe zegoela azpimarratu du.
Jose Perals fiskalak Altsasuko auziaren epaiaren kontrako helegitea ere aurkeztu du ostegun honetan, Altsasuko zortzi gazteei terrorismo delitua leporatu behar zaiela berretsita.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.