Sanchezen Gobernua presoak hurbiltzeko 'gai' ikusten du EAJk
Euskal presoen hurbilketa izan dute hizpide gaur, besteak beste, Radio Euskadiko 'Parlamento de las Ondas' saioan. Bertan, Luis Javier Telleria EAJko legebiltzarkideak esan du Pedro Sanchezen Gobernu berria presoak hurbiltzeko "gai" ikusten duela.
Buruzagi jeltzalearen arabera, agertoki berri bat zabaldu da, eta "aurrerapusoak" eman daitezke datozen hilabeteotan presoen auzian. Jesus Loza Espainiako Gobernuaren EAEko ordezkari izendatzea, Eusko Legebiltzarean asteon onartu den testua edota Espainiako Espetxe Zuzendaritzan arduradun berriak egotea albiste positibotzat jo ditu.
Iker Casanova EH Bilduko ordezkariak ere uste du espetxe politikan aldaketak etor daitezkeela, eta horren harira, Eusko Legebiltzarrean adostutako testua nabarmendu du. Eusko Legebiltzarrak, PP ez beste taldeen babesarekin, ebazpena onartu zuen asteazkenean euskal presoen sakabanaketa amaitzeko eskatuz eta "eragindako minaren aitortza" aldarrikatuz elkarbizitzan aurrera egiteko bidean.
Espainiako Gobernuak presoen auzia bideratzeko borondatea erakutsiz gero, horretarako ezarritako denborak "errespetatu" egin behar direla adierazi du Casanovak.
Eneko Andueza PSE-EEko legebiltzarkidearen arabera, berriz, sozialistek betiko jarrerari eusten diote presoen gaiari dagokionez, eta, Sanchezek Jose Luis Rodriguez Zapaterok abiatutako bidea jarraituko duela ziur agertu da. Legedia errespetatzea eta eragindako mina aitortzea dira gako nagusiak, Anduezaren hitzetan, espetxe politikan aldaketak emateko.
Legedia errespetatzea ezinbestekotzat jo du Laura Garrido legebiltzarkide popularrak ere. Horren hitzetan, gainera, eragindako mina aitortzea ez da nahikoa, eta "justiziarekin kolaboratzea" beharrezkoa da egoera aldatzen hasteko.
Edurne Garcia Elkarrekin Podemoseko kidearen ustez, bestalde, "giza eskubideen ikuspegitik beharrezkoa" da espetxe politika aldatzea. Zentzu horretan, Lozaren izendapena txalotu du, espetxeetako egoera "ondo" ezagutzen duelako.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.