Casadoren masterra baliozkotzeko epaimahai eta aktarik ez dago, URJCren arabera
Juan Carlos Erregearen Unibertsitateak (URJC, gaztelerazko sigletan) Carmen Rodriguez-Medel Madrilgo 51. Instrukzio epaileari jakinarazi dioenez, ez dago Pablo Casado PPko buruzagiaren Zuzenbide Autonomikoko masterra horren zuzenbide ikasketekin baliozkotzeko epaimahaiaren edota baliozkotze-aktaren arrastorik.
Epaileak hainbat eskabide egin ditu azken egunotan Casadoren masterra ikertzeko prozesuan. PPko kideak apirilean azaldu zuenez, URJCk masterreko 60 kredituetatik 40 baliozkotu zizkion. Baliozkotze-prozesu horren agiriak helaraztea eskatu dio epaileak unibertsitateari, eta horren frogarik ez duela erantzun du orain Madrilgo unibertsitateak, eldiario.es egunkari digitalak gaur aurreratu duenez.
Unibertsitatearen informazio hori eskuan, PPko Komunikazio idazkariordea diputatua dela egiaztatzeko agiria eskatu dio Kongresuari. Casado foruduna denez, Auzitegi Gorenari dagokio auzia. Casado auzipetzeko nahikoa zantzu topatuko balu, Madrilgo epaileak eskaera arrazoitua bidali beharko lioke Gorenari.
Egunkari digitalak emandako informazioaren arabera, "2009ko otsailaren 3 hartan ikasleak bere Zuzenbide ikasketak baliozkotzeko eskaerarik egin ote zuen" galdetu zion epaileak unibertsitateari. Casadok halakorik eskatu ez zuela erantzun du URJCk, eta datua eman du horrekin lotuta: egun hartan bertan baliozkotu zizkioten kredituak.
Informazio horrez gain, "2011ko otsailaren 10ean Casadoren Zuzenbide ikasketak baliozkotzeko epaimahaia osatzen zuten pertsonen" inguruko datuak ere eskatu zizkion unibertsitateari, baita, halakorik balego bilera horren akta. Madrilgo unibertsitatearen erantzuna argia da: "Ez dago epaimahairen edota baliozkotze-aktaren arrastorik".
Casado: 'Masterra legezkoa da'
Filtrazio horien inguruan galdetu diote gaur PPko Komunikazio idazkariorde eta alderdia zuzentzeko hautagairi. Casadok nabarmendu du masterra legezkoa dela eta auzi honetan pairatzen ari den "defentsa-gabezia" salatu du, epaitegien jakinarazpenegatik baino, hedabideengatik duelako horren berri.
Azaldu duenez, baliozkotze-akta "agertu egin behar da", auziaren inguruko azalpenak eman zituenean berak horren kopia erakutsi zuelako, "unibertsitateak eduki beharko luke", erantsi du. "Esan zidaten ikasgaiz ikasgai baliozkotu beharrean, lizentziaturarekin baliozkotzen zela, Boloniagatik", argudiatu du.
Casadoren esanetan, "nik inork baino lehenago erakutsi nuen kopia, 60 kazetariren aurrean. Gardentasunez eta zorroztasunez jardun, eta ez da bidezkoa nire izen ona horrela zikintzen saiatzea. 15 urteko ibilbide politikoaren ostean hori bakarrik atera behar badute, hain txarto egin ez dudan seinale".
Salatu duenez, deigarria da informazio hori berak PP zuzentzeko hautagaitza aurkeztu duenean ateratzea. "Hain garrantzi mediatiko, akademiko eta legal txikia duen duela 10 urteko kontu bat atera dute", kritikatu du.
Casado, masterragatik azalpenak eman zituen agerraldian (2018ko apirilaren 10ean). EFE
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.