Presoen 'gerturatze progresibo eta indibiduala' defendatu du Lozak
ETA desagertu ondoren “espetxe politika birplanteatzea” beharrezkoa dela esan du gaur Jesus Loza Espainiako Gobernuak Euskal Autonomia Erkidegoan (EAE) duen ordezkari berriak. Horrela, presoak “banan-banan eta modu mailakatuan hurbiltzearen” alde agertu da.
Loza Ordezkaritzaren egoitzan karguaz jabetu da, Gasteizen. EAEko erakundeekin “lankidetza” bilatzeko asmoa azaldu du ordezkariak. Exekutibo zentralaren eta Eusko Jaurlaritzaren arteko “akordioak” lortu nahi dituela erantsi du agintariak. Horretarako, “entzuteko” eta “hitz egiteko” borondatea agertu du.
PSE-EEren ordezkaritza zabala, tartean, Idoia Mendia, eta Eusko Jaurlaritzako kideak, besteak beste, Josu Erkoreka bozeramailea ekitaldian izan dira. “Itun kultura” batetik datorrela gogorarazi du Lozak bere hitzaldian. Euskal autogobernuaren “garapenean inplikatuko” dela nabarmendu du, Espainiako Exekutiboaren “ekimenaren babesean beti”.
Desadostasunek eragindako “auziak Ordezkaritatik saihesteko” asmoa azaldu du, Javier de Andres bere aurrekoak egin bezala, Lozaren hitzetan.
Hitzaldiaren zati handi bat terrorismoaren biktimei eskaini die Lozak, eta bere “lehentasuna” izango direla azpimarratu du. ETA desagertu ondoren “oraindik eginbeharrak” dituztela nabarmendu du. Horrela, Fernando Buesa sozialista eta Jorge Diez bizkartzainaren hiltzaileak omentzeko ustezko saiakeraren aurrean Sorturen “isiltasuna” gaitzetsi du ordezkariak.
“Itzali beharreko gorroto hausberoak eta intolerantzia txingarrak geratzen dira, etorkizunean nahigabeak saihesteko”, adierazi du Lozak. Biktimak aintzat hartzeko eta erreparazioa lortzeko lan egingo duela ziurtatu du, baita umiliazio saiakeren aurka ere. Justizian sakonduko duela erantsi du; oraindik argitu gabeko 300 hilketa baino gehiago daudelako.
Terrorismoaren deslegitimazio etiko, sozial eta politikoari eutsi behar diotela gogorarazi du Lozak, “biktimak eta borreroak” izan direla “argi” ezartzen duen “kontakizun zintzo eta egiatia” eraikitzeko. Memoriaren esparruan bi erronka dituztela ziurtatu du Espainiako Gobernuaren ordezkariak: itxuragabetzea eta ahanzturaren tentaldia.
Jesus Loza eta haren aurrekoa Javier de Andres. Argazkia: EFE
ETA desagertu ondoren giza eskubideen, Konstituzioaren eta Estatutuaren errespetuan oinarritutako bizikidetzan aurrera egin behar dela onartu du Lozak. “Legeak ez dira aldaezinak”, gogorarazi du. Erreformei “heldu beharko” zaie, iraganean lortutako “antzeko” adostasunak lortuz, gaineratu duenez.
Elkarbizitzaren bilaketan, biktimak eta kaltegileen arteko “zubiak” eraikitzeko orduan erakundeek “paper” garrantzitsua dutela uste du Lozak, baina “gaizkileek bidean atzera egin barik biktimek zubiak eraikitzea ezin da espero”, argi utzi du. Helburu politikoak lortzeko, iraganean, orainean zein etorkizunean, indarkeriaren zilegitasun eza onartzeko eskatu dio ordezkariak Lozari.
Lozaren hitzetan, behin ETA desagertuta, espetxe politikak “bizikidetzari lagundu” beharko lioke, “birgizarteratzea” bilatuz. “Presoak banan-banan eta modu mailakatuan hurbiltzearen” alde agertu da. Gogorarazi duenez, ez da berritasuna. “Espetxe erregimenean aldaketak” defendatu ditu, “zigortu bakoitzaren aurrerapausoen arabera”. Horretarako, Langraiz bideak eredu bezala balio dezakeela uste du buruzagiak.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.