Buruzagi independentistak Kataluniako kartzelatara eramango dituztela jakinarazi dute
Madrileko espetxeetan behin-behinean preso dauden bederatzi buruzagi independentista katalanetatik sei, tartean Oriol Junqueras presidenteorde kargugabetua, Kataluniako espetxeetara eramateko prozesua abiarazi duela jakinarazi dio gaur Espainiako Barne Ministerioak Generalitateari.
Barne Ministerioaren igorritako oharraren arabera, lekualdatzea "arratsalde honetan" hasiko dira eta asteazkena eta osteguna bitartean guztiak Kataluniako espetxeetan izango dira.
Aste honetan Kataluniara eramango dituzten preso independentista katalanak hauek dira: Oriol Junqueras, Raül Romeva eta Dolors Bassa kontseilari kargugabetuak, Carme Frocadell Kataluniako Parlamentuko presidente ohia, Jordi Sanchez JxCATeko diputatua eta ANCko presidente izandakoa eta Jordi Cuixart Omniun Culturaleko buruzagia.
Seiek joan den astean egin zuten Kataluniako kartzelatara eramateko eskaria. Pablo Llarena Auzitegi Goreneko epaileak esan zuen ez zegoela arrazoi judizialik auzipetuak Madrilgo espetxeetan mantentzeko eta Kataluniako presondegietara lekualdatzeko erabakia Espetxeetako Zuzendaritzak hartu behar zuela adierazi zuen, eta ez berak.
Jordi Turull, Josep Rull eta Joquim Forn kontseilari kargugabetuen kasuan, oraingoz ez dute erabakirik hartu. Hirurak Estremako espetxean daude, Oriol Junquerasekin batera. Alabaina, Kataluniara lekualdatzeko eskaria gainerako presoek baino beranduago egin zuten.
Gauzak horrela, Turull, Rull eta Forn aurrerago eramango dituzte Kataluniara, eskariak tramitatzeko prozesua amaitzean.
Oriol Junqueras, Raul Romeva, Jordi Sanchez eta Jordi Cuixart Valdemoroko (Madril) kartzelan daude dagoeneko. Astearte honetan Zaragozara eramango dituzte, eta bertatik Kataluniara asteazkenean.
“Espetxe politika betetzen ari gara, besterik ez, eta ez da beste ondoriorik izango”, ziurtatu du Pedro Sanchez Espainiako Gobernuaren presidenteak prentsaurrekoan, Lisboan, Antonio Costa Portugalgo lehen ministroaren aldamenean.
“Ez dut esateko beste ezer. Ez dago inplikazio politikorik. Horrekin soilik lotura du”, erantsi du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.