Saenz de Santamariak lehen itzulia irabazi eta Casado izango du aurkari
Soraya Saenz de Santamaria Espainiako Gobernuaren presidenteorde ohiak garaipena lortu du PPko barne-hauteskundeen lehen itzulian. Horrela, Pablo Casado alderdikidearekin batera bigarren itzulian izango da. Bien artean 1.600 botoko aldea izan da, Alderdi Popularreko iturriek jakitera eman dutenez.
Maria Dolores de Cospedal PPko idazkaria nagusia lehiatik kanpo geratu da, ostegun honetako bozketan hirugarren sailkatu ondoren.
Bozen % 100 zenbatuta, Saenz de Santamariak 21.500 bat boto lortu ditu (% 37), ondoren Casadok 19.000 boz eskuratu ditu (% 34) eta Maria Dolores de Cospedalek 15.000 (% 26).
Jose Manuel Garcia-Margallok 680 boto lortu ditu. Jose Ramon Garcia Hernandez 668 boz eskuratu ditu. Azkena Elio Cabanes izan da, 185 afiliatuk soilik babesa eman diote. Guztira, 58.305 boto izan dira: erroldaren % 87.
Saenz de Santamariak bere hautagaitzarekin bat egitea proposatu dio Pablo Casadori, 15 egun barru egitekoa den kongresuan proiektu bakarra aurkezteko eta, horretarako, "eskuzabaltasuna" eskaini dio.
Argazkia: EFE
"Nire ustean, militantziak bateratze eta batasunaren aldeko ahalegina egitea merezi du, eta nik egingo dut", esan du, Casadoren adierazpenak entzun eta gero (bera bi itzuliak egitearen alde agertu da, arauak bete egin behar direla argudiatuta).
Gaienera, primarioetan aurkeztutako gainerakoekin ere lan egitea nahi duela esan du Santamariak, baita Maria Dolores de Cospedalekin ere, horren hautagaitzan balio handiko pertsonak daudela uste duelako.
Argazkia: EFE
Bestalde, Casado pozik agertu da primarioetan jasotako babesarekin eta, azpimarratu duenez, emaitza "parekatua" jaso dute Soraya Saenz de Santamariak eta berak, eta hori PPren kongresuan ebatzi beharko dela, zerrenda bakarra adosteko aukera alde batera utzita. "Horiek dira adostu ditugun arauak", nabarmendu du.
PPren egoitzan emaitzak ezagutu ostean emandako prentsaurrekoan, lehen itzulian kanpoan geratu diren hautagaiei bere zerrendarekin bat egitea eskatu die, bereziki Maria Dolores de Cospedal idazkari nagusiari, milaka eta milaka afiliatu eta lurralde mailako organizazio asko ordezkatzen baititu.
Casadok esan du oso emaitza parekatua izan dutela, hori dela eta, bere hautagaitza "bukaeraraino" heltzea nahi du. Gainera, berak ordezkatzen duen zerrendan "guztiek lekua" dutela adierazi eta gero, erantsi du tentsio handiko 15 egun geratzen direla "PPren etorkizuna" erabakiko duen kongresua egin arte.
Argazkia: EFE
Azkenik, Maria Dolores de Cospedal PPren idazkari nagusiak uko egin dio uztaileko ezohiko kongresuan erabakitzen den edozein karguri, baina bere hautagaitza aintzat hartzea eta berak jasotako babesaren % 26k ordezkaritza izatea eskatu du.
Cospedalen hitzetan, kongresua dela eta, "ez da inor" kanpoan geratu behar, are gutxiago bere hautagaitzak jasotako % 26a.
Era berean, kongresuko bigarren itzulira begira "hausnarketa aro bat" irekiko duela adierazi du, baina ez du argitu zerrenda bakarraren aldekoa ote den.
Saenz de Santamariak lehen itzulia irabazi du Euskadin. Alderdikideen botoen % 55,32 (312) lortu ditu. Ondoren Pablo Casadok bozen % 21,99 (124) eskuratu ditu EAEn.
Pablo Casado PPko Komunikazio idazkariorde ohiak, ordea, garaipena erdietsi du Nafarroan. Cospedal bigarren sailkatu da Foru Erkidegoan, eta Saenz de Santamaria hirugarren.
Konkretuki, Pablo Casadok alderdikide nafarren 80 boto jaso ditu, Maria Dolores de Cospedalek 51 eta Soraya Saenz de Santamariak 39.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.