Saenz de Santamariak Casadorekin eztabaidatzea onartu du
Soraya Saenz de Santamaria PPko presidentetzarako hautagaiak Pablo Casado hautagaiaren proposamena onartu du, Kongresua baino lehen eztabaida bat egitea onartuz. Kongresuan Alderdi Popularreko presidente berria aukeratuko dute. Halere, "elkarrizketa zintzo bat" irekitzearen alde egin du, eta haren aurkariak "sozialistak, Pedro Sanchez buru izanda, independentistak eta Pablo Iglesiasen populistak" direla esan du.
Cosladako (Madril) ekitaldi batean komunikabideei egindako adierazpenetan, Santamariak esan du "arazorik gabe" onartzen duela Casadorekin eztabaida bat izatea, baina hau "akordiorako eztabaida ireki bat" bezala proposatu izana nahiago izango lukeela gaineratu du.
"Zatiketaren eta akordioaren artean, ni akordioaren aldekoa naiz", adierazi du Espainiako Gobernuko presidenteorde ohiak. Halaber, eraikitzeko, elkartzeko, adosteko eta "batzeko puntu guztiak” aurkitzeko nahia duela nabarmendu du, "asko baitira, desadostasunak baino gehiago".
Halere, haren hitzetan, "ez da arazoa" eztabaida batean parte hartzea, "esperientzia asko" duelako arlo horretan, eta Parlamentuan eztabaidatzera "oso ohituta" dagoelako. Halaber, hurrengo hauteskunde orokorretan PPren etsaiak nortzuk izango diren dagoeneko eztabaidatu duela esan du: Pedro Sanchez, Pablo Iglesias eta Albert Rivera.
Kataluniako krisiari buruz Espainiako Gobernuak egin duen kudeaketaz Casadok egindako kritikigatik galdeginda, Saenz de Santamariak esan du kanpaina osoa "modu positiboan" proposatu duela eta bigarren fase honek "integraziokoa eta alderdiaren batasunekoa" izan behar duela. "Adiskiderik inoiz kritikatuko ez" duela gaineratu du.
Albiste gehiago politika
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza izandakoak Nafarroako Gobernuak esleitutako hainbat obra publikoren truke komisioak jaso zituen.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.