Elkarbizitzaren aldeko deia egin du Jose Miguel Cedillo ETAren biktimak
1982ko irailaren 14ean Perurena gainean, Errenterian, ETAk hildako Antonio Cedillo polizia nazionala omendu dute gaur goizean. Lau polizia hil zituen ETAk atentatu hartan duela 36 urte.
11:00etan hasi da ekitaldia Mugaritz jatetxearen lorategian, eta bertan izango dira, besteak beste, Josu Erkoreka Eusko Jaurlaritzako bozeramailea, Aintzane Ezenarro Gogora Istitutuko zuzendaria, Julen Mendoza Errenteriako alkatea (EH Bildu), Maddalen Iriarte eta Pello Urizar EH Bilduko parlamentariak, Eneko Andueza Gipuzkoako sozialisten burua, Jesus Eguiguren eta Rafaela Romero (PSE), Pili Zabala (Elkarrekin Podemos), Juan Carlos Cano PPren bozeramailea Gipuzkoako Batzar Nagusietan eta Olivareseko alkatea, besteak beste.
Julen Mendoza eta Jose Miguel Cedillo omenaldiaren aurretik hizketan. Argazkia: Euskadi Irratia
Ekitaldiak Cedilloren memoria aldarrikatzeko balio izan du, baita elkarbizitzaren beharra aldarrikatzeko ere. Julen Mendoza alkateak gaurko omenaldiaren garrantzia nabarmendu du eta Errenterian elkarbizitzaren eraikuntzan egiten ari diren bidea goratu du. Errenteriak Cedilloren familiarekin zor hori "pendiente" zuela esan du Mendozan, han gertatu baitzen hilketa. "Baina ausartuko nintzatke esatera nire barruan zor pertsonal bat bezala sentitzen dudala. 1982ko irailaren 14ean bizitza apurtu zitzaizuen eta nahiko nuke, nahiko genuke, zuen bizitza berosatzen laguntzea; jakinik, minak ez duela atzera bueltatik, Antonio ez dela itzuliko" esan du.
Jose Miguel Cedillok, hildako poliziaren semeak, emozioz beteriko hitzaldia egin du. Bizitako haurtzaro gogorraren berri eman die bertaratutakoei, bere aita biktima gisa aitortzeko eskatu du, eta haren izena bakeari eta elkarbizitzari lotuta geratzeko.
Txoria txori eta Salve Rociera abestu dute eta ekitaldia olibondo bat aldatuz amaitu da, ezberdinen arteko elkarbizitzaren alde.
Euskal Herrira etortzeko beharra
Jose Miguel Cedillok aitari omenaldia egin nahi ziola erabaki zuenean, lehenbizi, Errenteriako Udalari jakinarazi zion. "Hurrengo astean bertan Julen Mendoza alkatea Sevillara etorri zen nirekin hitz egitera" kontatu du. Lau orduz egon ziren hizketan eta bere bizitza eta errelatoaren berri eman zion Mendozari. Aitari omenaldia egitea "ondo" iruditu zitzaion honi eta "Udalak ahal izan duen guztian lagundu digu" azaldu du.
Cedilloren semea eta alarguna lehen aldiz etorri dira Euskal Herrira, 36 urte eta gero. Izan ere, atentatua gertatu eta berehala alde egin zuten 24 urteko alargunak eta 3 urteko semeak. ETBko en Jake saioan elkarrizketa egin zioten atzo Cedillori, jada Errenterian zela, eta omenaldiarekin lortu nahi zuena azaldu zuen:
CONTENIDO NO ENCONTRADO
Gaur bertan, Radio Euskadin egin dioten elkarrizketan, "elkarbizitza, bakea eta gertatu denaren inguruko aitortza" bultzatu nahi dituela berretsi du Jose Miguel Cedillok, eta biktimek bizi duten prozesu pertsonaren berri ere eman nahi duela.
Kritikak
Cedillok adierazi du ezin duela ahaztu edo barkatu, "batetik, ezin dudalako, baina gure mina erabiltzen ari direnek ere ez digute erraz jartzen gainditzeko".
Gainera, "biktima izanda, pertsona gisa gizartean egoki txertatu nadin laguntzeko, nire ongizatea, segurtasuna eta arreta zaindu beharko luketenek ez dute hori egin" salatu du: "ETAk eragindako umezurtza naiz eta arrastoak geratu zaizkit, baina Legeak ez nau aitortzen".
Bere aitaren kasua juridikoki "preskribatzen utzi" zutela ere salatu du, "errudunak aurkitu gabe", eta "jasotzen dudan laguntza psikologikoagatik borrokatu" beharra daukala.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.