Barkos eta Sanchez urriaren 31n bilduko dira, eskuduntzen inguruan hitz egiteko
Uxue Barkos Nafarroako Gobernuko presidentea eta Pedro Sanchez Espainiako Gobernuko presidentea urriaren 31n bilduko dira, besteak beste, inbertsio jasangarriei buruz eta oraindik transferitzeke dauden eskuduntzen inguruan hitz egiteko. Sanchezek gobernuko agintea eskuratu zuenetik egingo duten lehen topaketa izango da hori.
Barkosek igande goiz honetan aurreratu duenez, bereziki inbertsioei buruz eta Nafarroako Foru Eraentza Berrezarri eta Hobeagotzeko Lege Organikoak (NFEBHLO) eskuduntzen inguruan ezartzen duena "lehenbailehen betetzeko" asmoz elkartuko da Espainiako Gobernuko presidentearekin.
Geroa Baik 2019ko udaberriko foru eta udal hauteskundeetarako hautagaiak aurkeztu ditu gaur Iruñeko Baluarte Jauregian. Ekitaldi horretan azaldu dutenez, Uxue Barkos izango da Nafarroako Gobernurako zerrendaburua, eta Itziar Gomez Iruñeko udalerako alkategaia. Alderdi horrek herritarrei "elkartasuna, konbentzimendua eta eraginkortasuna" eskaintzen diela nabarmendu du Barkosek.
Ildo horretatik, 2019ko maiatzerako erronka nagusia "etorkizun hobea eraikitzeko aldaketa sendotzea" dela esan du Nafarroako Gobernuko presidenteak. Hala, aurrerantzean ere aldaketa erreferente izaten jarraitzeko orain arteko "elkartasunarekin, konbentzimenduarekin eta eraginkortasunarekin" lanean jarraitu behar dutela gaineratu du.
"Ez da erraza izango, baina borrokan jarraitzeko indar handiz gaude oraindik, zailtasunak izan ditugunean irtenbide onenak aurkitu baititugu", nabarmendu du Barkosek. Ildo horretatik, lauko gobernuan Geroa Baik "zegokionean amore eman eta epeak ezartzeko gai izan da".
"Politika egiteko beste modu batez, alegia, eraginkortasun osoz lan eginez, etorkizuna irabaziko dugula argi daukagu", esan du Barkosek. Ildo horretatik, Espainiako estatuan Nafarroa erreferente bat dela nabarmendu du, eta adibide batzuk jarri ditu aldaketa klimatikoaren edota memoria historikoaren alorrean. Era berean, ekonomia jasangarria eta ezberdinen arteko adostasunak aipatu ditu.
Halaber, duela lau urte "nafar guztien interesak" bermatuko zituen "aldaketaren gobernu" bezala aurkeztu zena, "eguneroko lanaren ondorioz" hala izatea ezin duela jasan leporatu dio oposizioari. Gauzak horrela, urriaren 31n Sanchezekin izango duen bilera horretan ere nafar guztien interesak babestuko dituela ziurtatu du, "orain arte bezala".
Azkenik, gezurrik ez esateko eta politika egiteko bestelako modu bat dagoela onartzeko eskatu dio Barkosek oposizioari, eta haiek ez bezala, herritar guztien interesak babesteko lanean jarraituko duela berretsi du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.