Milaka pertsonak 'Espainiaren batasuna' aldarrikatu dute Bartzelonan
“Espainiaren batasuna” aldarrikatzeko manifestazioa egin dute milaka pertsonak Bartzelonako erdialdean. Udaltzaingoaren arabera, 65.000 bat manifestarik parte hartu dute; antolatzaileen hitzetan, aldiz, 300.000 pertsonak. U-1eko erreferendumagatik espetxe-zigorrak eskatu dituzte parte-hartzaileek.
“Bartzelona, hispanitatearen berme” lelopean, manifestazioa Passeig de Graciatik igaro eta Catalunya plazan bukatu da. Espainiako bandera ugari eraman dituzte manifestariek.
“Puigdemont, espetxera” leloa behin eta berriro errepikatu dute manifestazioan. Era berean, Quim Torra Generalitateko presidentea kartzelara bidaltzea eskatu dute manifestariek. Bestalde, “Espainia baturik sekula ez dute garaituko” edo “ez gaituzte engainatuko, Katalunia Espainia da” bezalako oihuak egin dituzte.
Espanya i Catalans herri mugimenduak antolatu du protesta. “Bakartzea txirotzea da”, “Ametsik atzerakoiena, iragan faltsu bat errepikatzea”, “Bakarrik faxistek kolpistak babesten dituzte”, “Torra eta Puigdemont arrazistak eta kolpistak dira” eta “Nazionalismoek baztertzen eta aurrez aurre jartzen gaituzte” kartelak erakutsi dituzte parte-hartzaileek.
Ines Arrimadas Ciutadanseko buruzagiak, Xavier Garcia Albiol PPCko presidenteak eta Jose Rosiñol Societat Civil Catalanako presidenteak martxan parte hartu dute.
Besteak beste, Dolors Montserrat PPren Kongresuko bozeramailea, Alberto Fernandez Diaz PPCren buruzagia Bartzelonako Udalean, Jose Maria Espejo-Saavedra Parlamenteko bigarren presidenteordea, Carlos Carrizosa Ciudatadanseko bozeramaile parlamentarioa eta Voxeko ordezkariak manifestazioan izan dira.
“Pedro Sanchez, dimisioa” oihu artean, Javier Megino España i Catalanseko presidenteordeak buruzagi independentistei hurrengoa esan die: “Ahanzturarik eta barkamenik ez, espetxe urte luzeak”.
Aldi berean, “Antifaxismoa guztien ardura da” lelopean, Plataforma Antifaxistak manifestazioa deitu du Jardinets de Gracian. Protestak 2.000 pertsona inguru bildu ditu, Udaltzaingoaren arabera. CUPek eta ezker independentistako beste elkarte batzuek bat egin dute.
Bitartean, Montjuicen, eskuin muturreko elkarteek ekitaldi politikoa egin eta estelada bat kiskali dute.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.