Kataluniako 18 tontor, preso independentisten askatasuna eskatzeko
Quim Torra Generalitateko presidenteak, kontseilari batzuek eta Roger Torrent Parlamentako presidenteak 'Cims per la llibertat' (Askatasunaren tontorrak) ekimenean parte hartu dute gaur. Aldi berean Kataluniako 18 mendi igo dituzte parte-hartzaileek, politikari presoen askatasuna eskatzeko.
Konkretuki, Torrak Puigsacalm igo du La Vall d'en Basen (Girona). Horrela, presidentak ekimenarekin bat egin du. Independentismoaren “preso, erbesteratu eta errepresaliatu politikoei” elkartasuna adierazteko igoera izan da, antolatzaileen hitzetan.
“Preso eta erbesteratuek” beraiek aukeratu dituzte 18 tontorrak. Carles Puigdemont president ohiak Puigsacalm aukeratu zuen.
Damia Calvet Lurralde eta Jasangarritasun kontseilariak eta Angels Chacon Enpresa eta Ezagutza consellerrak Matapederatik (Bartzelona) La Mola igo dute; Miquel Buch Barne kontseilariak les Agudes mendia igo du Fogars de Montclusetik (Bartzelona), eta Chakir el Homrani Lan eta Gizarte Gaietarako arduradunak Montgri (Girona) izan du helburu.
Laura Borras Kultura kontseilariak Tossal del Rei (Tarragona) igo du; Jordi Puignero Politika Digital eta Administrazio Publikoko consellerrak Comabona aukeratu du, Cerdanya (Girona) eskualdean; eta Roger Torrentek Matagalls (Bartzelona).
“Kirol” ekimen “solidario eta aldarrikatzaile” honen antolatzaileek agiri batean jakitera eman dutenez, 11.000 pertsona baino gehiagok eman dute izena, “preso politiko, erbesteratu eta errepresaliatu guztien askatasuna eskatzeko, eta haien familiei elkartasuna adierazteko”.
Izena emateko hamar euro ordaindu behar izan ditu pertsona bakoitzak, trukean elastiko bat, dagokion dortsalarekin, eta asegurua jaso dute. Mozkinak Kataluniako Eskubide Zibilen Elkartearentzat izango dira.
La Pica d'Estats, La Gallina Pelada, Comabona, Tossal del Rei, Matagalls, Canigo, Puigmal, Carlit, Pedraforca, Sant Jeroni, Roca Corbatera, Montsent de Pallars, Mont Caro, Les Agudes, Puigsacalm, Tossal de les Torretes, Montgri eta La Mola mendiak igo dituzte.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.