Biktima 'guztien' aitortza eskatu dute Muguruza eta Brouarden omenaldian
“Estatu indarkeriaren” biktimak aitortzea eskatu du gaur Egiari Zor Fundazioak. Santi Brouard eta Josu Muguruza Herri Batasunako buruzagiei omenaldia egin diete Bilbon. 1984ko eta 1989ko azaroaren 20an hil zituzten, hurrenenez hurren.
“Aitortza ofizialari dagokionean”, segurtasun indarretako biktimen “kolektiboak” sufritzen duen “distantzia ikaragarria” kritikatu du Ane Muguruza HBko diputatuaren alabak. “Euskal gatazkaren biktima guztiak aitortzeko ordua” dela erantsi du. Muguruzaren hitzetan, erakundeen lana da, baita gizartearena ere.
Ezker abertzaleko ordezkari ugari izan dira omenaldian, besteak beste, Arnaldo Otegi EH Bilduko koordinatzaile nagusia, Arkaitz Rodriguez Sortuko idazkari nagusia, Rafa Diez LAB sindikatuko idazkari nagusi ohia eta Julen Arzuaga eta Jone Goirizelaia legebiltzarkideak.
Ane Muguruzaren ahotan, “Estatu indarkeria, gerra zikina, tortura eta Estatuko segurtasun indarren biktimek ez dugu ahotsa altxatu orain arte”.
Jone Goirizelaia, Elena Beloki, Arnaldo Otegi eta Rafa Diez omenaldian. Argazkia: EFE
“Eztabaida semantiko bat bretxa handiagoa eta biktima gisa sufritzen dugun kategorizazioa areagotzeko erabiltzea ez dugu inola ere onartuko”, gaineratu duenez.
“Nahikoa da, Espainiako Estatuaren indarkeria terrorista eta Poliziaren indarkeria justifikatzeari utzi”, adierazi du.
Santiago Brouard HBko buruzagia eta pediatra Bilboko kontsultan hil zuten, 1984ko azaroaren 20an, eta Josu Muguruza egun berean tirokatu zuten bost urte geroago, Madrileko jatetxe batean afaltzen ari zela, Herri Batasuneko diputatu gisa Kongresuan karguaz jabetzeko bezperan.
Rafael Lopez Ocañari 33 urteko espetxe-zigorra ezarri zioten Brouard hiltzeagatik. Bestalde, Angel Duce polizia ohiari 99 urte eta zortzi hilabeteko kartzela-zigorra ezarri zioten Muguruza hiltzeagatik.
Manifestazioa
Arratsaldean, manifestazio bat egin dute Bilbon, “Etorkizun haziak” lelopean, Brouard eta Muguruzaren oroimenez. Protesta Moyua plazan bukatu da.
Bi politikarien lana goraipatu du Karlos Renedo Mahai Nazionaleko kideak Espainiako Gobernuaren Azpiordezkaritzaren aurrean. Bestalde, egindako kaltea eta hilketetan izandako erantzukizuna onartzeko eskatu dio Renedok PSOEri.
Santi eta Josuren familiek izandako jarrera nabarmendu du Renedok: “erantzukizunez jokatu dute, mendeku jarrerak albo batera utziz”. Gainera, bi hildakoen amets berdina izaten jarraitzeko eskatu die militanteei.
“Hiru hamarkada geroago, hemen jarraitzen dugu, zutunik eta indartsu, askapen nazionala eta soziala lortzeko gertu, Santik eta Josuk beste hainbat militanterekin batera ereindako haziari esker. Espainiako Estatua, beste hainbat alditan egin bezala, euren ahotsa isiltzen saiatu zen. Zuhaitza fisikoki ebaki zuten, baina hazia milaka militanteetan erein zutela ez ziren konturatu. Geldiezinak gara”, azpimarratu du Renedok.
Argazkia: EFE
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.