Marta Bosquet (Cs) izendatu dute Andaluziako Parlamentuko presidente
Andaluziako Parlamentuak eskuinera joko du legegintzaldi berrian. Alderdi Popularrak, Ciudadanosek eta Voxek gehiengoa dute eta PSOE oposizioan izango da, 36 urtez boterean egon eta gero.
Abenduaren 2an egindako hauteskundeetan, eskuineko alderdiak gailendu ziren eta gehiengo hori baliatu nahi dute Alderdi Sozialista Andaluziako Gobernutik kentzeko.
Atzo, Alderdi Popularrak eta Ciudadanosek elkarrekin gobernatzeko ituna iragarri zuten eta, gaur, Voxen babesarekin, lehendabiziko aldaketa gauzatu dute Parlamentuan, Marta Bosquet Ciudadanoseko diputatua aukeratu baitute Ganberako presidente.
Bigarren aldaketa Parlamentuko Mahaiaren osaketan eman da. Organo horretan ere eskuina izango da nagusi: PPk eta Ciudadanosek bina ordezkari izango dituzte; Voxek bakarra; eta PSOEk bi. Podemosek eta IUk osatzen duten Adelante Andalucia koalizioa, berriz, Mahaitik kanpo geratu da, Voxek baino diputatu gehiago izan arren.
Parlamentua osatuta, Andaluziako Gobernuko presidentea izendatzea izango da hurrengo urratsa.
Alderdi Popularrak eta Ciudanosek egindako ituna aintzat hartuta eta azken orduko ezustekorik ezean, Juanma Moreno Bonilla PPko hautagaia izango da Andaluziako gobernuburu berria. Horretarako, baina, Voxeko 12 diputatuen botoak beharko ditu Morenok.
Andaluziako Parlamentuan gehiengo absolutua 55 eserlekutan dago. PPk, Ciudadanosek eta Voxek 59 ordezkari dituzte; PSOEk eta Adelante Andaluciak bat egingo balute, 50 eserleku izango lituzkete.
Alderdi Popularraren asmoak ezustean porrot egingo balu, Susana Diaz inbestidura saiora aurkeztuko litzateke, hauteskundeak irabazi baitzituen. Nolanahi ere, oraingoz oposizioan izango dela adierazi du.
Datozen egunetan Gobernuaren osaketa negoziatu eta adostuko dute PPk eta Ciudadanosek. Aurreikuspenaren arabera, koalizio gobernua izango da, Juanma Morenok zuzenduko du eta hamabi kontseilaritzak bi alderdien artean banatuko dituzte.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.