Urkullu: 'Giza Eskubideek politikaren erreferente izaten jarraitu behar dute Europan'
Iñigo Urkullu lehendakaria Estrasburgora (Frantzia) bidaiatu da gaur, Rene Cassin legelari lapurtarrari egin dioten omenaldian parte hartzeko. Gainera, Guido Raimondi Giza Eskubideen Auzitegiko presidentearekin bildu da. Bilera horren ostean, Urkulluk giza eskubideak aldarrikatu ditu, "Europako eta munduko ekintza politikoaren erreferente nagusi gisa".
"Mehatxu populisten eta muturrekoen aurrean, humanismoan oinarritzen den politika orientatu ahal izateko iparrorratza dira giza eskubideak", esan du lehendakariak.
Urkullurekin batera Maria Elorza Jaurlaritzako Kanpo Harremanetarako idazkari nagusia eta Jonan Fernandez Giza Eskubide, Bizikidetza eta Lankidetzaren Idazkari nagusia bidaiatu dira Estrasburgon.
Giza Eskubideen egoitzan, Rene Cassineri egin dioten omenaldian parte hartu dute lehendakariak eta Raimondik, legelariari Nobel Saria eman ziotenetik 50. urteurrena betetzen baita.
Lehendakariak Europako egungo egoera politikoa ere aipatu du. "Europa funtsezko erreferentzia da gure etorkizunerako"; hori dela eta, Brexita gertatuz gero, adostasunean oinarrituta gertatzea espero duela esan du Urkulluk. Nolanahi ere, lehendakariak esan du egungo egoerak "aniztasunean oinarritzen den Europa integratuagoaren eta batuagoaren etorkizuneko proiekturako pizgarri izan behar du".
Bestalde, Urkullu Ana Otadui Bizkaiko Batzar nagusietako presidentearekin egon da Rene Cassin Giza Eskubideen Nazioarteko Institutuaren egoitzan; bertan, Gernikako zuhaitzaren kimu bat landatu dute.
Rene Cassin
Rene Cassin 1887ko azaroaren 5ean jaio zen, Baionan. Zuzenbideko eta Historiako ikasketak egin zituen, eta Lehen Mundu Gerran ordurako bakearen alde eginiko borrokagatik zen ezaguna. Rene Cassin zenbait erakundetako kide eta sortzaile izan zen, besteak beste, UNESCOkoa. 1964an, Giza Eskubideen Europako Auzitegiko presidentea izan zen, eta kargu garrantzitsuak bete zituen, esaterako, Nazio Batuetako Giza Eskubideen Batzordeko presidentetza.
Rene Cassin funtsean Giza Eskubideen Aldarrikapen Unibertsalari eginiko ekarpenagatik gogoratzen da, izan ere, erredaktore nagusietako bat izan zen. Adierazpena 1948an onartu zen eta, 20 urte geroago, 1968an, Bakearen Nobel saria eman zioten, adierazpenagatik beragatik. Saria banatzeko ekitaldian, Cassinek honako hitz hauek esan zituen: "Ez da bakerik egongo planeta honetan, inon giza eskubideak urratzen jarraitzen badira". Sariaren bidez jasotako dirua Estrasburgoko Giza Eskubideen Nazioarteko Institutua (René Cassin Fundazioa) sortzeko erabili zuen.
Bestalde,Eusko Jaurlaritzak Rene Cassin saria sortu zuen, beren jarduketaren bidez gure gizartean giza eskubideen balioak sustatzen laguntzen duten pertsona fisiko edo juridikoen lana jendaurrean aintzatesteko. Abenduaren 10ean ematen da, Giza Eskubideen Nazioarteko Egunean.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.