Asier Aginako presoaren zigorra bertan behera utzi dute gaixotasun larria duelako
Asier Aginako Etxenagusia presoa aske utzi dute ostegun honetan, gaixotasun larria duelako, Etxerat euskal preso eta iheslari politikoen senide eta lagunen elkarteak jakitera eman duenez.
Presoaren abokatuek egindako eskakizuna onartu egin du Auzitegi Nazionalak. Presoaren osasun egoera kontuan hartuta, tratamendu medikoa baldintzarik onenetan eta beharrezko bermeekin jasotzeko eskubidea duela ebatzi du.
Asier Aginakoren askatasunarekin “lasaitua” hartu dutela azaldu du Etxeratek agiri batean. Eritasun larriak dituzten presoen egoera berriro mahai gainean jarri du elkarteak. “Guztiak askatzea beharrezkoa da osasunerako eskubidea dutelako”, nabarmendu du.
Elkarteak gogorarazi duenez, 21 presok gaixotasun larriak eta sendaezinak dituzte egun.
Hiru lekualdaketa
Bestalde, Espetxe Zuzendaritzako Idazkaritza Nagusiak beste hiru preso lekualdatzeko agindua eman du.
Horrela, Oier Goitia Abadia Murtziatik Asturiasera eramango dute, Javier Atristain Gorosabel Murtziatik Soriara eta Andoni Murga Zenarruzabeitia Teixeirotik (Coruña) Zuerara (Zaragoza). Egun indarrean dagoen espetxe legedia onartu dute hirurek.
Barne Ministerioak jakitera eman duenez, Oier Goitia 2010eko ekainaren 18an espetxeratu zuten, eta 10 urteko kartzela-zigorra betetzen ari da armak eta munizioak gordetzeagatik. 2017ko abenduan bete zituen zigorraren hiru laurdenak.
Javier Atristain 2013ko maiatzaren 4an bidali zuten kartzelara, eta 17 urteko espetxe-zigorra betetzen ari da zilegi ez den elkarte bateko kide izateagatik eta armak eta munizioak gordetzeagatik. 2024ko urtarrilean beteko ditu zigorraren hiru laurdenak.
Azkenik, Andoni Murga 1996ko abuztuaren 18an espetxeratu zuten, eta 25 urteko zigorra betetzen ari da atentatua egin, banda armatuari lagundu, lehergailuak izan eta gorde eta arma-trafikoa egiteagatik. 2015ko maiatzean bete zituen zigorraren hiru laurdenak.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.