Ertzaintzak bi gazte atxilotu ditu Gasteizen eta Amurrion
Ertzaintzak operazioa abiatu du ostegun honetan, Amurrion eta Gasteizen. Auzitegi Nazionalak aginduta, bi lagun atxilotu dituzte, 2014an eta 2015ean egindako kale borroka ekintzekin zerikusia dutelakoan, Europa Press albiste agentziak jakitera eman duenez.
Polizia operazioa ez dute bukatutzat eman. Delikako eraikin bat eta bi atxilotuen etxebizitzak miatu dituzte, eta erasoak egiteko erabil zezaketen materiala zeukan zulo bat ere aurkitu omen dute.
Sortuk atxiloketak salatu ditu, sare sozialen bidez. Europa Pressek zehaztu du 25 eta 26 urteko Galder Barbado eta Aitor Zelaia direla atxilotuak. Lehena 2016an atxilotu zuten Gazte Danbadako pankarta bat egiteagatik, ustez indarkeria goratu zuelako.
19:00etan Gasteizko Andre Mari Zuriaren plazan eta Amurrioko plazan protesta egin du Ernai gazte erakundeak.
Ertzaintzak bi gazteak atxilotzeko erabilitako argudio “lauso eta ez oso sendoak” salatu ditu Sortuk.
Ertzaintzaren eta “Espainiako sistema judizialaren neurri bikoitza” deitoratu du Sortuk agiri batean; izan ere, auzi hau eta iragan urtarrilean Amurrioko baserri baten aurka tiro egin zuen polizia ohiarena alderatu dituzte.
Polizia ohia, Amurrioko epaitegian deklaratu ondoren, “aske” dagoen bitartean, ostegun honetan atxilotutako bi gazteak “Auzitegi Nazionalera eraman dituzte”, alderdi abertzaleak azaldu duenez.
“Espainiako justiziaren izaera arbitrarioa agerian geratu da beste behin ere. Ertzaintzaren jarrerak kezkatzen du”, azpimarratu du alderdiak.
Bi atxilotuak “berehala askatzeko” eskatu du. Atxiloketak “herri honek eraiki nahi duen bakearen eta elkarbizitzaren kontrako norabidean doaz”, nabarmendu du Sortuk.
Ernaik deitutako elkarretaratzea Amurrion (Araba). Argazkia: Ernai¿
Zentzu horretan, “ETAk borroka armatua utzi zuenetik zazpi urte baino gehiago pasa dira, ia bi urte armagabetzea bukatu eta ia urte bat desegin zenetik”, gogorarazi du.
“Ez da kartzelak betetzeko ordua, husteko baizik”, adierazi du Sortuk. Azkenik, “herri honek benetako bake eta normalizazioa lortzeko akordio eta adostasunetara heltzeko borondate osoa” agertu du.
Zure interesekoa izan daiteke
Abstentzioaren alde eginda, Podemosek ez du Irango gerraren harira proposatutako beherapen fiskalen dekretua babestuko
Alderdi moreak nabarmendu du ez duela neurri sorta berriaren aurka egingo, baina uste du ezin duela aldeko botorik eman, "zergen beherapenak ez direlako prezioen igoerari aurre egiteko bidea".
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
'Anboto' ETAko buruzagi ohiari erdi-askatasuna eman izana salatu du Covitek, kartzelan "denbora gutxi" eman duelakoan
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.
"Biktimak birbiktimizatzea" saihesteko eskatu dio Chivitek Korrikaren antolatzaileei
Covitek salatu zuenez, lekukoa zeraman ume batek Patxi Ruizen omenezko elastikoa zuen jantzita, Tomas Caballeroren hilketagatik zigortutako etakidea.
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak atera izana
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPN, PP eta Maria Chivite Nafarroako presidentea haserretzea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.