Hauteskunde orokorrak apirilaren 14ra aurreratzea aztertzen ari da Pedro Sanchez
Hauteskunde orokorrak apirilaren 14ra aurreratzea aztertzen ari da Pedro Sanchez Espainiako presidentea, bere exekutiboko iturriek EFE albiste agentziari jakinarazi diotenez.
2019ko aurrekontuak onartu ezinda, ataka estuan dago Sanchezen Gobernua. Kongresuan bihar hasiko dira oposizioko alderdiek aurkeztutako osoko zuzenketak eztabaidatzen, eta gaur-gaurkoz Sanchezek ez dauka aurrekontuak aurrera ateratzeko behar adina babes. Azken egunotan, Kataluniako alderdi independentistekin zituen harremanak eten egin dira, eta horrek, are gehiago zaildu du aurrekontuen bidea.
Espainiako eskuina ere presio handia egiten ari da, Sanchezek hauteskundeak aurrera ditzan. Horren adibide, Cs, PP eta Vox alderdiek Madrilen atzo egin zuten protesta bilkura.
Bozak apirilaren 14ra aurreratzea erabakiz gero, datorren astean bertan desegin beharko lituzke Gorteak Sanchezek, eta hauteskundeak ofizialki deitu, legearen arabera, 54 egun lehenago egin behar baita deialdia.
Maiatzaren 26an egingo dira udal eta foru hauteskundeak eta Europako hauteskundeak, eta 'super-igande' deitu dioten horretan hauteskunde orokorrak deitzea zen aurreikusten zen aukeretako bat, baina sozialistek berehala baztertu zuten aukera hori.
Generalitateak Sanchezen jarrera kritikatu du
Bestalde, Kataluniako Gobernuak Pedro Sanchezen jokabidea kritikatu du, elkarrizketaren bideari berriro heltzeko Generalitatearekin harremanetan jarri beharrean hauteskundeak deitzeko aukera aztertzen ari dela zabaltzeagatik.
"Estatuko Aurrekontuak aurrera ateratzeko Pedro Sanchezen Gobernuak talde independentisten babesa lortzeko interesik badu, talde horiekin jarri behar du harremanetan, zunda-globoak jaurti beharrean", adierazi du Elsa Artadi Kataluniako Gobernuko bozeramaileak.
Hauteskundeak deitzea Sanchezi soilik dagokion ardura dela eta erabaki hori aurreikuspen elektoralaren arabera hartuko duela esan du.
Kongresuak Estatuko Aurrekontuak atzera botaz gero, hauteskunde orokorrak aurreratzeko balizko aukeraren aurrean "presioa" sentitzen duten galdetuta, Artadik ondokoa erantzun du: "Kataluniako herritarren eskubideak defendatzen jarraitzea da gainean dugun presio bakarra".
Horrez gain, bi gobernuen arteko elkarrizketa prozesua eten izana Pedro Sanchezen ardura dela azpimarratu du. Alde batetik, PSOEren baitan presio egin diotelako, eta bestetik, Alderdi Popularrak, Ciudadanosek eta Voxek igandean antolatu zuten manifestaziogatik.
"Eskuinak eta muturreko eskuinak egindako manifestazioagatik eta bere alderdiaren ingurukoek Ciudadanosekin itunak egitea nahiago dutelako geldiarazi zituen elkarrizketak", deitoratu du.
Zure interesekoa izan daiteke
Aragoiko parte-hartzea ia % 11koa da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.