'Kataluniak preso politikoak libre uzteko' eskatu dute milaka pertsonak Bartzelonan
Milaka manifestari kalera irten dira gaur arratsaldean Bartzelonan, 2017ko urriaren 1eko erreferenduma dela eta Madrilgo Auzitegi Gorenean epaitzen ari diren politikari katalanei babesa agertzeko, Autodeterminació No És Delicte (autodeterminazioa ez da delitua) leloa idatzita zeraman pankartaren atzean.
200.000 pertsonak hartu dute parte manifestazioan Bartzelonako Udaltzaingoaren arabera eta 500.000 pertsonak antolatzaileen arabera.
Estelada eta lazo horiak hartuta, "guztiok epaitzen gaituzte", "askatasuna preso politikoentzat" edota "gure Gobernua etxean eta libre ikusi nahi dugu" dioten kartelak eraman dituzte eskuetan askok eta askok. "Independentzia" eta "batasuna" leloak askotan entzun dira manifestazioan zehar.
17:11n hasi da ANCk eta Omminum culturalek deitutako manifestazioa. Gran Viatik joan dira, Espainiako Plazatik hasi eta Unibertsitate Plazara arte. Ibilbide hori dela eta, Bartzelonako bide nagusi horretako trafikoa eten egin dute eta 35 autobus lineari eragin dio horrek.
Auzitegi Gorenean preso katalanen kontrako epaiketa hasi zenetik deitzen duten lehen manifestazio handia izan da gaurkoa eta bertan parte hartu dute, besteak beste, Quim Torra Generalitateko presidenteak eta bere Gobernuko kideek, Roger Torrent Parlamenteko presidenteak, PDeCAT-JxCAT eta ERCko kontseilari eta buruzagiek, CUPeko kideek eta Catalunya en Comu-Podemeko Jessica Albiach, Jaume Asens eta Gerardo Pisarellok. Euskal Herritik, han izan dira EH Bilduko Jon Iñarritu eta Gorka Elejabarrieta, adibidez.
Manifestazioko pankarta. Argazkia: EFE
"Gran Via ultraeskuinaren kontrako giza harresi handi bat bihurtu duzue gaur" esan die Marcel Mauri Omniumeko presidenteordeak manifestariei. "Demokraziaren epaiketa hau Estatu espainiarraren porrotaren erakusle da" gaineratu du, eta tamalgarritzat jo du Pedro Sanchezen Gobernuak "modu arduragabean jokatu izana eta elkarrizketa baztertu izana Kataluniako gatazka konpontzeko". "Espainiako demokrata guztiei dei egiten diegu eskuin muturraren aurrean men egin ez dezaten. Ez iezaiezue utzi intoleranteei politikaren eta instituzioen jabe egiten" eskatu du.
Elisenda Paluzie ANCko presidenteak iragarri du gaurkoa hemendik aurrera etorriko diren mobilizazioetan lehena izan dela. "Botoa ematea eta autodeterminazio eskubidea defendatzea ez dela delitua" berretsi du eta Estatuak independentistei eman nahi dien "kolpea" "boomeranga bezala itzuliko zaiela" espero duela gaineratu du.
Elsa Artadi Kataluniako Gobernuko Presidentzia kontseilari eta bozeramaleak Estatuari "faxista", "ustela" eta"autoritarioa " izatea leporatu dio, "disidentzia politikoa erreprimitzeagatik" eta Antonio Tajani Europako Parlamentuko presidenteari "lotsagarria"dela esan dio.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.