Urkulluk 'oso larritzat' jo du mozioa eta EAEko PPk, berriz, erabat babestu du
Iñigo Urkullu lehendakariak "oso larritzat" jo du Espainiako Senatuan Euskadira eskumen gehiago ez transferitzeko mozioa onartu izana. Lehendakariaren esanetan, "muga guztiak gainditzen dituen burugabekeria da".
Eusko Legebiltzarrera sartu aurretik Iñigo Urkulluk kazetariei iragarri dienez, datorren astearteko Eusko Legebiltzarraren bilerara eramango du mozioaren gaia, "oso larria baita".
Bestalde, Joseba Egibar EAJko bozeramailearen esanetan, mozioa "ez da inolako sorpresa", baina "mozio bat izanik, loteslea ez bada ere, argi uzten ditu borondate politikoaren nondik norakoak".
EH Bilduk, berriz, mozioaren aurkako gaitzespena erakusteko adierazpen instituzionala egitea proposatuko die Legebiltzarreko alderdiei, "Estatuarekin bestelako harremana izatea" eskatzeko eta EAEn hartzen diren "erabakiak errespetatu ditzaten".
Maddalen Iriarte EH Bilduko legebiltzarkidearen esanetan, "oso larria da Estatuaren inboluzioa". "Ez dakigu zer geldituko zaion legebiltzar honi", gaineratu du.
Bestalde, Idoia Mendia PSE-EEko idazkari nagusiak eskaria egin die PPko kideei, EAEkoei bereziki, Gernikako Estatutua, Espainiako Konstituzioa eta "Espainiarentzat zein proiektu babesten duten" argi dezaten.
Alfonso Alonsok, berriz, EAEko PPk mozioaren "puntu guztiak" babesten dituela esan du. Gainera, eskumenekiko alderdiaren jarrerak aldaketarik jasan ez duela azaldu du. Ildo horretan, Borja Semper PPko Gipuzkoako presidentearen hitzetan, haserre dago transferitu gabe dauden eskumenen kontuak piztutako eztabaida politikoa dela eta, "hauteskunde kanpainaren erdian, oso gai mamitsua baita".
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.