Guardia zibila:'Errepublikarako finantzazioa Txinan lortzen saiatu zen Generalitatea'
Kataluniako prozesu independentistaren epaiketan lekuko gisa deklaratu duen guardia zibil batek esan du Errepublikarako finantzazioa Txinan lortzen ahalegindu zela Generalitatea. Hala ondorioztatu zuten Josep Lluis Salvado Kataluniako Ogasun idazkari ohiari antzemandako dokumentazioa aztertuta.
Lekuko honen arabera, independentzia aldarrikatu eta Zerga Agentzia propioa martxan jarri arte, 4.500 milioi euro beharko zituztela kalkulatu zuten buruzagi independentistek. Diru hori biltzeko, zerga sistema publiko bat ezartzeko plana egitera iritsi zirela gaineratu du.
Horrez gain, udaletxeen bidez 6.000 milioi euro eta Gobernuaren diru-sarreratik 1.300 milioi euro jasoko zituztela aurreikusi zuten, baina, hala ere, Txinan 11.000 milioi euroko finantzazioa lortzea ezinbestekoa zela ondorioztatu zuten. Errepublika sostengatzeko 22.000 milioi euro biltzea zen asmoa, guardia zibilaren esanetan.
Hau guztia aurrera eramateko aplikazio informatikoak ezartzen hasi zirela eta lan hori IBM konpainiari agindu ziotela ere kontatu du. Kasu horretan, 240.000 euro erabili zituztela erantsi du.
Halaber, guardia zibilak azpimarratu du Pere Aragones Generalitateko presidenteordea arduratu behar zela atzerrian finantzazio lortzeaz eta Kataluniako Banku Zentrala sortzeaz. Zerga bilketaren kudeaketa, ostera, Salvadoren eginkizuna izango zela gaineratu du.
Euskal gatazkari aipua
Bestalde, gaurko saioan deklaratu duen beste guardia zibil batek Euskal Herrian bizitako gatazkarekin alderatu du Katalunian gertatutakoa.
2017ko irailaren 20an Bartzelonako pabilioi batean hamar milioi boto-paper antzeman zituztela eta kanpoan bildutako manifestariengandik "irainak eta mehatxuak" jasan zituela eta agenteei "txistua bota" zietela kontatu du.
"Jainkoari esker, nik ez du euskal gatazka ezagutu, baina nire lankide beteranoek esan zidaten egoera hark euskal gatazkaren hasierarekin antz handia zuela", adierazi du epaiketan.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.