'Hau ez da justizia!' lelopean manifestazioa egingo dute bihar Altsasun
"Hau ez da justizia!" lelopean, manifestazioa egingo dute igandean Altsasun (Nafarroa), Auzitegi Nazionalak herriko zortzi gazteri ezarritako zigorrak salatzeko. 2016ko urrian bi guardia zibilekin izandako liskarrarengatik zigortu zituzten.
Manifestazioa Altsasu Gurasoak gazteen senideak biltzen dituen kolektiboak deitu du. Auzitegi Nazionaleko Apelazio Salak 2 eta 13 urte bitarteko espetxe-zigorrak berretsi zituen martxoaren 7an.
Manifestazioa 12:00etan abiatuko da Altsasuko Iruñea Etorbidetik.
Alderdiek, erakundeek eta sindikatuek mobilizazioarekin bat egin dute
Geroa Baik protestarekin bat egin du, “lehen unetik Altsasu auzia inguratu duen neurrigabekeria” salatzeko, eta “justizia eta proportzionaltasuna, beste behin ere, eskatzeko”.
Geroa Bairen hitzetan, kartzelan diren gazteen zigorrak baieztatu dituen Auzitegi Nazionalaren epaiak “auzi akastu baten aurrean gaudela agerian utzi du hasieratik; Europar Batasuneko Oinarrizko Eskubideen Gutuneko 49.3 artikuluak bermatzen duen zigorren proportzionaltasun printzipioa urratu dute”.
Era berean, EH Bilduk manifestazioan parte hartzeko deia egin du “Altsasuko gazteentzako justizia aldarrikatzeko”, eta zigorren “neurrigabekeria” salatu du agiri batean.
Auzitegi Nazionalaren “jatorrizko funtzio errepresiboa agerian utzi du Altsasu auziko epaia berretsi izanak, salbuespenezko auzitegia da”, ziurtatu du EH Bilduk.
Nafarroako Podemosen ordezkariek manifestazioan parte hartuko dute, “neurriz kanpoko zigorrak errefusatzeko”, koalizio moreak agiri batean azaldu duenez.
Guardia zibilei eta haien bikotekideei elkartasuna eta babesa adierazi die Podemosek, baina auziak “Auzitegi Nazionalera eraman zuten unean bertan bidezkoa” izateari utzi ziola uste du, “sekula Nafarroako Auzitegitik atera behar izan ez zelako”.
Ezkerrak protesta babestu eta manifestazioan presentzia izango duela iragarri du, “epaiak justizia egiten ez duelako”. Horregatik, “gazte zigortuak askatzea” eskatuko du.
Koalizioak sententzia kritikatu du agiri batean. Ez dituzte auzipetuak terrorismoagatik zigortu, baina “terroristak balira bezala zigortu dituzte”, salatu du Ezkerrak.
Azkenik, Nafarroako Ezker Sozialistak ere manifestazioarekin bat egin du.
Nafarroako Parlamentuak protesta babestu du adierazpen batean.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.