Katalunian 'matxinada giroa' sortu zen I-20ren ostean, Baena koronelaren arabera
Daniel Baena Guardia Zibileko teniente koronelak proces auziaren epaiketan esan duenez, Uniposten egindako operazioaren—milaka errolda-txartel atzeman zituzten agenteek— ondotik, baina batez ere 2017ko irailaren 20aren ostean, 'matxinada giroa' sortu zen Katalunian. Defentsek egindako galderei erantzunez, berriz, independentisten kontrako mezuak zabaldu zituen Tacito ezizena zuen Twitter kontuko jabea zela ukatu du.
Baena urriaren 1eko erreferendumaren prestaketen inguruko ikerketaren burua izan zen, eta horren testigantza giltzarri izan da. Azpimarratu duenez, Kataluniako egoera errotik aldatu zen operaziook egin zituztenean: "Uniposten errolda-txartelak topatu genituen, eta kolpe latza izan zen". Biharamunean, irailaren 20an, operatibo berezi bat jarri behar izan zuten martxan, miaketen berri aldez aurretik izan eta probak deusezta ez zitzaten. "Hortik aurrera, matxinada giroa sortu zen", erantsi du.
"Katalunia bolborategia zen"
Ikerketa oztopatzeko, guztira, 88 ekintza izan zirela nabarmendu du Baenak. Zehaztu duenez, irailaren 20a baino lehen Guardia Zibilaren kontrako bi ekintza baino ez ziren izan, baina I-20tik Konstituzioaren 155. artikulua indarrean sartu arte 84 izan ziren, eta horren ondotik, bakarrik bi.
Bi data horien artean Katalunian sortu zen giroa deskribatu nahian, "bolborategi" hitza aipatu du Guardia Zibilaren teniente koronelak. "Hura bolborategi bat zen, edozein ekintzak saihestu nahi genuen kalte handiago bat sortuko zukeen, horregatik ez genituen atxiloketak egin. Egoera normal batean egingo genituen", justifikatu du.
Urriaren 1eko erreferenduma ahotan, Baenak esan du helburua ez ezik "prozesu guztiaren muina ere" bazela, "independentzia aldarrikatzeko eta Estatua gatazka egoeran jartzeko bete beharreko baldintza zen", erantsi du.
Baena Tacito dela ukatu du
Defentsek egindako galderen txandan, teniente koronelak azaldu du Guardia Zibilaren kontrako hainbat ekintza izan baziren ere, ez zutela inor atxilotu. Identifikatu, bai, hainbat lagun identifikatu zituztela argitu du, baina ez atxilo hartu. "Polizia judizialak ez du jendea atxilotzen, probak eta zantzuak biltzea da bere lana; atxiloketak azken baliabidea dira", argitu du.
Defentsek instrukzioa hasi zenetik jarri dute Baenaren inpartzialtasuna zalantzan, eta hala, horri egindako lehen galdera aurreikusita zegoen: Zurea al da @nmaquiavelo1984 profila, Tacito ezizena duena? "Ez", erantzun du. Twitter kontu horretatik independentismoaren eta buruzagi katalanen kontrako mezuak plazaratu ziren, eta Baenak berak Publico egunkariko kazetari bati aitortu zion berea zela (defentsek kazetaria lekuko gisa deitu nahi zuten, baina Marchenak ukatu egin zuen aukera).
Abokatuek nabarmendu dutenez, gauza bat dute komunean kontu horrek eta Baenaren kontu pertsonalak: bietan jabea politologoa da (Baena Zientzia Politikoetan lizentziaduna da).
Horregatik akaso, teniente koronelak esan du euren ikerketak ez zuela kutsu politikorik izan: "Ez ditugu ideia eta programa politikoak eta Gobernuko erakundeak ikertu. Gauzak egiten dituzten pertsonak ikertu ditugu".
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.