Aitzol Gogorza gaixorik dagoen presoa kartzelatik irten, eta etxean beteko du zigorra
Aitzol Gogorza presoa kartzelatik atera da, eta zigorraren azken zatia bere etxean beteko du, espetxe-zaintzako epaileak erabaki duen bezala. Sarek eman du gaixotasun larria eta sendaezina duen preso honi buruzko informazioa.
Basauriko (Bizkaia) kartzelan zegoen Gogorza, nahasmendu obsesibo-konpultsiboarekin eta ideia suizidekin. Bere legezko ordezkariek urteak eman dituzte kartzelatik ateratzeko eskatzen.
Azkenik, espetxetik atera da presoa, eta zigorraren azken zatia bere etxean beteko du, Errenterian (Gipuzkoa), kontrol neurri batzuen zaintzapean.
2015eko urrian, Eusko Legebiltzarrak, EAJ eta EH Bilduren botoekin, Gogorza kartzelatik ateratzea eskatu zuen, daukan gaixotasun mental "larria eta sendaezinagatik".
Gogorzak 20 urte eman ditu espetxean. 1999an atxilotu zuten, errepide kontrol batean Mont-de-Marsanetik gertu (Frantzia). Frantziar Estatuan zigorra bete ondoren, Auzitegi Nazionalak epaitu zuen, eta 20 urteko kartzela zigorra jarri zion, 2015eko ekainean, Juan Jose Baeza Martuteneko espetxeko funtzionarioa hiltzen saiatzeagatik. Lepoan zauritu zuten Baeza, tiroz.
Gogorza kartzelatik ateratzea "herritarrek, erakundeek eta Errenteriako elkarteek" egindako presioaren ondorioa da Sarerentzat.
Gogorarazi dutenez, oraindik larri gaixo dauden 20 preso daude, eta "gaixotasuna baldintza duinetan tratatua izateko eskubidea daukate, beranduegi izan baino lehen".
Bestalde, Julen Arzuaga EH Bilduko legebiltzarkideak uste du espetxe-zaintzako epaileak hartutako erabakia, Basauriko kartzelako tratamendu-batzarrak proposatuta, "gaixotasun larriak dituzten presoentzat irtenbide duina eta arrazoizkoa da, behar duten tratamendu medikoa jasotzea ahalbidetzen duelako".
Irizpide hori larri gaixo dauden preso guztiei zabaltzearen alde egin du Arzuagak, eta gogorarazi du Eusko Legebiltzarrak eskatu egin zuela.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.