Begi bat galdu zuen boto-emaileari 'bost eraso' egotzi dizkio Espainiako Poliziak
Roger Españolek poliziei egindako “bost eraso zuzenen” berri eman dio Espainiako Poliziak U-1eko kargak ikertzen ari den Bartzelonako epaileari. Roger Español boto-emaileak begi bat galdu zuen gomazko pilotakada baten ondorioz Ramon Llull ikastetxean.
Juan Manuel Quintela Espainiako Poliziaren Informazio Brigadaren buruzagiak deklaratu du astearte honetan, Auzitegi Gorenean, proces epaiketan. Bartzelonan, Lleidan eta Tarragonan lan egin zuen poliziak, U-1ko erreferenduma eragozteko. I20an CUPen egoitzan egindako sarekadagatik inputatu dute Quintela.
Bartzelonako Ramon Llull ikastetxean lanik “zailena” izan zutela azaldu du Poliziako buruzagiak Gorenean. Zazpi zauritu izan zirela zehaztu du. “Sartzea zaila izan zen, baina ateratzea are gehiago”, azpimarratu du.
Informazio Brigadako buruzagiaren ahotan, bertan izan ziren poliziek “mota guztietako erasoak” jasan zituzten. Hesi metalikoak eta era guztietako objektuak jaurti zizkietela azaldu du, baita kolpeak eta ostikoak eman ere. Horrek gomazko pilotak erabiltzera behartu zituen, erantsi duenez. 2014az geroztik gomazko pilotak debekaturik daude Katalunian.
Gomazko piloten ondorioz, “etsai manifestarietako” bat zauritu zutela onartu du poliziak. Horrela, Roger Español boto-emailea identifikatu du lekukoak. Españoli agintaritzaren aurkako atentatua egotzi dio Bartzelonako epaileak U-1ean.
Informazio Brigadako buruzagiaren hitzetan, Espainiako Poliziaren aurkako erasoetan “aurreneko lerroan” izan zen boto-emailea. “Funtzionarioei bost eraso zuzen egin zizkien”, adierazi du Quintelak, eta frogak epaitegiaren esku daude.
Mugimenduen berri
Bestalde, buruzagiek aginduta, Mossoek gainerako polizien mugimenduen berri “xehatua” eman zutela esan du Quintelak. Zentzu horretan, Bartzelonan kokapenaren inguruko 271 komunikazio izan zirela nabarmendu du.
Gainera, U-1ean Mossoek polizien lana “oztopatu” zutela adierazi du Espainiako Poliziaren Informazio Brigadako buruzagiak. Mosso batek hautesleku batean sartzea eragotzi ziela esan du, “botoa ematen utz iezaiezue” oihukatuz.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.