U-1eko polizia operazioa 'hitzartuta' zegoela esan du Ferran Lopezek
Erreferendum eguneko segurtasun dispositiboa "itunduta eta hitzartuta" zegoela esan du Ferran Lopez U-1eko Mossoen bigarrenak. Horrela, Diego Perez de los Cobos Guardia Zibileko koronelak esandakoa gezurtatu du. Kataluniako poliziaren jokabidea iruzurra izan zela esan zuen De los Cobosek.
Gainera, Traperoren bigarrena izan zenak, proces auziaren aurkako epaiketan esan du Carles Puigdemont Kataluniako presidente ohiak zera jakinarazi ziela Esquadra Mossoen buruei: "Boto-emaileen eta segurtasun indarren artean istilu larriak baldin badaude, une horretan bertan independentzia aldarrikatuko dut".
Traperok Auzitegi Gorenean egindako adierazpenekin bat etorri da, beraz, Lopezen testigantza, Mossoek Kataluniako Gobernuarekin 2017ko irailaren 26an eta 28an izandako bileren inguruan galdetuta erantzutean.
"Puidemontek esan zuen agertoki horren aurrean, berorrek aldarrikatuko zuela independentzia. Guztiok dugu gogoan, ahaztezina delako", adierazi du.
Bestalde, berretsi egin du irailaren 28ko Segurtasun Batzordean Joaquim Forn Barne kontseilari ohiari emandako mezuari buruz Traperok esandakoa. Antza denez, Forni ohartarazi zioten "akatsa" zela erreferendumarekin aurrera egingo zuela adieraztea.
155. artikulua ezarri zutenean, Traperoren lekua hartu zuen Lopezek. Aurretik, baina, Traperoren bigarrena izan zen, eta horregatik deklaratu behar izan du asteazken honetan proces auziaren kontrako epaiketan. Bertan, Pedro Fernandezek egindako galderei erantzunez, besteak beste, Forni emandako abisuen inguruan hitz egin du.
Esan bezala, Lopezen lekukotza bat dator aurreko saioetan beste mossoek esandakoarekin. Manel Castellvi Informazio komisarioak, adibidez, argi utzi zuen Carles Puigdemontek, Orio Junquerasek eta Fornek jakin bazekitela urriaren 1ean istiluak egon zitezkeela, Mossoek horren berri eman zutelako eta erreferenduma bertan behera uzteko eskaria ere egin zietelako.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.