'Non zeuden EAJ eta EH Bildu PSOEri neurri sozialak ateratzen genizkionean?'
Lander Martinez Podemos-Ahal Duguko idazkari nagusiak bere deserosotasuna agertu du, haren esanetan, "eragin gehiago nork duen erakusteko" EAJ eta EH Bildu egiten ari diren "performancea" tarteko. Martinezen hitzetan, koalizio moreak "Pedro Sanchezi hobekuntza sozialak ateratzen genizkion bitartean" EAJ hormigoiari so zegoen eta EH Bildu, ostera, Kataluniara begira. Bestalde, Pedro Sanchezen legegintzaldian Elkarrekin Podemosen lorpenik handiena lanbide arteko gutxieneko soldata izan dela nabarmendu du.
Gernikako Estatutua gauzatzeko falta diren transferentzien negoziazioarekin ere kritiko mintzatu da. Martinezen iritziz, transferentzia salerosketa bat dago alderdi interesen truke eta horrek estatutua debaluatzen du".
Toledoko Itunean erabateko adostasuna izatea eragotzi zuen Podemosek, Lander Martinezen arabera, pentsio pribatuak "zorrotz" baztertzen ez zirelako. Akordioa ez zegoen "ez itxita, ez amaituta eta ezta bermatuta ere", ziurtatu du Martinezek. "Giltzarri ziren gaiak beste une baterako utzi nahi izan ziren", gaineratu du. Pentsioei lotuta, belaunaldi arteko aliantza baten beharra aldarrikatu du pentsio duinak bermatzeko.
Apirilaren 14ean mitin batean parte hartuko dute Pablo Iglesias Podemoseko idazkari nagusiak eta Alberto Garzon IUko koordinatzaileak Eibarren. Inkestek Unidos Podemosen gainbehera iragartzen badute ere, errekuperatzen hasi direla eta goranzko bidean direla adierazi du Lander Martinezek. 2015ean eta 2016an Elkarrekin Podemosek hauteskundeak irabazi zituen Euskal Autonomia Erkidegoan (EAE). Hauteskundeei begira, "agenda soziala eta autogobernua" aipatu ditu kanpainako ardatz gisa.
Poliziak Podemosi egindako espioitza ere hizpide izan du Ahal Duguko idazkari nagusiak: "Podemosi ezin zitzaiola xantaiarik egin ikusi zuten. Gu paretik kentzen saiatu ziren, antza denez, Barne ministroarekin, bere polizia patriotikoarekin eta bere txosten faltsuekin".
Ez dago konforme independentismoaren aurka egiteko Sanchezek "Ez, ezetz da" leloa errekuperatu izanarekin: "Katalanak estatuaren parte izatea lortu nahi badugu, zubiak eraiki behar ditugu", azaldu du. "Ez, ezetz da" leloa Ciudadanosi aplikatzeko eskatu dio Lander Martinezek PSOEri, eta alderdi laranjarekin itunik ez egiteko.
Gutxiengoan gobernatzen ari den Eusko Jaurlaritzari buruz galdetuta, Iñigo Urkullu lehendakaria seinalatu du Martinezek. Gauzak horrela, legeak aurrera atera ahal izateko oposizioko alderdiekin elkarrizketak bultzatzea eskatu dio.
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.