'Autogobernuaren aurkako erasoak iragartzen dira, baina Nafarroa ez da ukitzen'
Eskuinak Nafarroaren autogobernuarentzat dakartzan arriskuez ohartarazi du Uxue Barkos Nafarroako lehendakariak. Haren iritziz, Navarra Suma koalizioarekin (UPNk, PPk eta Ciudadanosek osatzen dute) laukoa gobernutik bota nahi du UPNk. Helburu hori lortzeko asmoz eta "dilista plater baten truke", UPN Ciudadanosen aurrean makurrarazi egin dela uste du Barkosek.
Laster Nafarroaren esku geldituko den trafiko eskumena zalantzan jartzen duten PP, Ciudadanos eta VOXen apustu birzentralizatzailea baztertu du Uxue Barkosek: "Beren begiak zortzigarren tituluan soilik jartzen dituzten konstituzionalak dira". Nafarroari 2001etik dagokion eskumena da, baina oraindik ez da eskualdatzea gauzatu. Barkosek salatu duenez, PPk ez du batere errespetatzen autogobernua.
Radio Euskadin egin dioten elkarrizketan, "Nafarroa ez da ukitzen" Geroa Baik hauteskunde kanpainarako aukeratutako leloa aipatu du. "Autogobernuaren kontrako aurrez aurreko erasoak aurreikusten dira, Nafarroako gehiengo demokratikoa arriskuan jartzen duena", nabarmendu du. Barkosek salatu duenez, eskuinak Nafarroa estatu auzi bihurtu nahi du. "Nafarroan beren burua alderdi foralista gisa aldarrikatu duen alderdiak dilista plater baten truke amore emango ote duen beldur gara", esan du. Hauteskundeetan egon daitezkeen emaitzen beldur, Ciudadanosen babesa lortzea egotzi dio Barkosek UPNri.
"UPN nafarren aurrean biluzi da", azpimarratu du. Nafarroako lehendakariak gogor kritikatu du Navarra Suma koalizioaren izaera, "ura eta olioa, foralistak eta foruak madarikatzen dituztenak" bildu dituelakoan. Uxue Barkosen agintaldiaren amaiera ekar dezakeen Navarra Suma koalizioaren balizko garaipenaz galdetuta, lehendakariak legegintzaldi honetan egindako lana goraipatu du, onartutako ehundik gora lege eta egonkortasun politikoa azpimarratuta.
Pablo Casado buruzagi 'popularrak' ETA etengabe ahotan hartzearen atzean "PPren ahultasuna" ikusten du Uxue Barkosek.
Balizko gobernu itunez galdetuta, PSN batzeko aukera jarri du mahai gainean: "Maiatzaren 26ko hauteskundeen emaitzak aztertzeko prest nago". Sinbolo eta hizkuntza kontuen harira PSNk egindako gaitzespenen aurrean, "kritika artifizialak" direla erantzun dio. Barkosen hitzetan, "inoiz ez da bandera bat inposatu", eta, legea aldatu arren, ez dute inor zigortu ikurrina bat jartzeagatik. Euskarari dagokionez, ostera, aldaketak "modu pausatuan, presarik gabe" egin direla, eta "harridura" eragiten zuten kasuak bakarrik lehengoratu dira", gaineratu du. Halaber, gai horretan UPNren ildo beretik aritzea leporatu dio Barkosek PSNri.
"Aldaketaren aurrean beldurra sartu nahi izan zuten", esan du lehendakariak, baina "murrizketak lehengoratu ditugu eta hazkunde ekonomiko garaian gaude". Barkosen ustez, UPN "kudeatzaile ona" izan zela zabaldu zuen mitoa erori da. Laukoaren barruan tentsio uneak izan direla onartu du, baina ez dela "kolokan egon" eta bazkideak "leialak" izan direla gaineratu du.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.