Generalitateak eta JxCatek 'Judasen erretzea' salatuko dute, gorroto delituagatik
Quim Torraren Gobernuak eta JxCatek bi salaketa aurkeztuko dituzte Sevillako Coripe udalerrian Carles Puigdemont Kataluniako presidentea irudikatzen zuen panpina erretzeagatik, horren atzean gorroto delitua egon litekeela iritzita.
Ehunka lagun izan ziren igandean urtero egin ohi duten "Judasen erretzea"ren lekuko. Esan bezala, oraingo honetan Carles Puigdemont izan zuen protagonista. Antza denez, "gizartearen kalterako" diren pertsona ospetsuen irudiak erre ohi dituzte bertan.
"Gertatutakoa nazkagarria da, eta salatu egingo dugu", esan du Quim Torra presidenteak Twitterren.
Kataluniako Gobernuko iturriek zehaztu dute Torrak dagoeneko Pere Aragones presidenteordearekin hitz egin duela, eta Generalitateko zerbitzu juridikoei kasua aztertzeko eskatu diela. Horrenbestez, espero dute asteazkeneko Gobernu bileran salaketa onartzea eta aurrera eramatea.
Bestalde, JxCateko iturriek azaldu dute beste salaketa bat jarriko dutela Fiskaltzan, gorroto delitua egon ote den aztertzeko.
Gainera, Sevillako aipatu udalerriko Antonio Perez alkate sozialistari kargua uzteko eskatu dio JxCatek.
Urkulluk "tamalgarritzat" jo du gertatutakoa
Iñigo Urkullu lehendakariak Coripen gertatutakoa deitoratu eta jarrera aldaketa eskatu du hauteskunde kanpainaren azken astera begira.
Urkulluren iritziz, "akusazioak eta kexak" izan dira hasieratik kanpainaren protagonista, eta beraz, "aspalditik aurreikus zitekeen modu honetan amaitzea".
Coripeko alkateak garrantzia kendu dio gertatutakoari
Coripeko alkateak garrantzia kendu nahi izan dio Puigdemonten irudia erretzeari. "Urte asko dituen ohitura da, eta ondo jokatu ez duen pertsonaia publiko baten satira besterik ez da", azaldu du.
"Gizartearentzat kaltegarria izan den pertsona baten irudia herritik paseatzen dute bizilagunek, irainak jasotzen dituen bitartean. Ondoren, pikondo batetik eskegitzen dute panpina eta tiroak jasotzen ditu, erre orduko", gaineratu du.
Horregatik, alkateak uste du ez zaiola garrantzi gehiago eman behar. "Aurreko urteetan Barbara Rey, Jose Maria Aznar edota Ana Julia Quezada irudikatzen zituzten panpinak erre dituzte, baina ez da inolako polemikarik egon", berretsi du.
Puigdemonten ustez, gorroto mezua zabaldu dute
Puigdemontek Twitter bidez eman du bere iritzia. "Gorroto mezu bat da, eta gorrotoa zabaltzea soilik bilatzen du", azpimarratu du. Halaber, ospakizun horretan adin txikikoek parte hartzea deitoratu du, "indarkeria orgia" baten parte izan direlako.
Zure interesekoa izan daiteke
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.