Puigdemontek, Ponsatik eta Cominek Europako hauteskundeetan parte hartu ahalko dute
Carles Puigdemont Kataluniako presidente kargugabetuak eta Clara Ponsati eta Antoni Comin kontseilari ohiek maiatzaren 26ko Europako hauteskundeetan parte hartu ahalko dute, Madrilgo bi epaitegik gaur erabaki dutenez.
Epaileek Auzitegi Gorenak atzo azaldutako irizpideari jarraituz esan dutenez, hautagaiek ez dute mugatua hautatuak izateko eskubidea, "nahiz eta Espainiako justiziatik ihes eginda egon".
Espainiako Hauteskunde Batzordeak Puigdemonten eta beste bi politikari horien hautagaitza bertan behera uztea ebatzi zuen gaur zortzi. Erabaki horren kontra helegitea aurkeztu zuten hirurek, eta gaur etorri da erantzuna.
Auzitegi Gorenak atzo zehaztu zuenez, ohiko epaitegi bati zegokion auzia aztertzea. Dena dela, horren arabera, hiru politikari kataluniarrak "hautagai izan daitezke" Europako hauteskundeetan.
Auzitara joko duela iragarri du Puigdemontek
Puigdemontek auzitara joko duela iragarri du, Hauteskunde Batzorde Zentralak hautagaitzatik kanpo uzteagatik.
"Legearen erabilpena eta abusua izan dela argi frogatuta eta erakutsita geratu denean, defendatu behar gara. Hau ezin da zigorrik gabe geratu", esan du TV3en.
Puigdemonten arabera, demokraziaren alde egiteko, beharrekoa da justizia "oso gaizki erabiltzen dutenak seinalatzea". Hauteskunde Batzordearen independentzia eta bermeak zalantzan jarri ditu.
Esan duenez, Hauteskunde Batzordeak ezin ditu hautagaitzaren gaineko erabakiak hartu bere gustuen arabera. "Hori dinamita da sistema demokratiko baten oinarrietan", esan du.
"Erakutsi dugu arrazoia geneukala, gure eskubideak genituela", esan du. Hala ere, hauteskundeetan parte hartu ahal izateko, Hauteskunde Batzordearen erabakiaren kontra egiteko denbora gastatu behar izan duela deitoratu du, eta ezin izan duela denbora hori kanpaina prestatzera eskaini.
"20 egunean besteek denbora gehiagorekin egin ahal izan duten lana egin behar dugu", esan du. Horregatik, bere hautagaitza kaltetuta irten dela uste du.
Hala ere, "galdutako denbora" berreskuratzen saiatuko dira. Bere lehentasuna hauteskundeak irabaztea da, kontseilari ohiak hautatuak izan daitezen.
Puigdemontentzat, JxCatek Estatuari irabazteko ezagutza eta eskarmentua dituela erakutsi du: "Belgikan irabazi dugu, Alemanian irabazi dugu eta Madrilen irabazi berri dugu. Ezagutza hori guztia, indar hori eta oinarrizko eskubideen defentsa eraginkorra eta efizientea Kataluniako biztanleen zerbitzuan jarri behar dugu".
Gainera, Kataluniako autodeterminazio eskubidea Europako agendan sartzeko konpromisoa hartu du, eta EBn "2017ko urriko ahostzat" aldarrikatu du bere burua.
Junts per Catalunya alderdiak pozez hartu du erabakia: "Isildu eta baztertu nahi izan gaituzte, baina ez dago JxCat baino harresi demokratiko eta eraginkorragorik".
Zure interesekoa izan daiteke
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".