Esporrinek Iruñeko alkatetzara aurkeztuko dela baieztatu du
Maiatzaren 26ko hauteskundeek Nafarroan utziko egoera politiko konplexua hizpide izan dute larunbat goiz honetan Radio Euskadiko 'Parlamento en las Ondas' saioan.
Enrique Mayaren Navarra Sumak 13 zinegotzi lortu zituen Iruñean, Joseba Asironen EH Bilduk 7, Maite Esporrinen PSNk 5 eta Itziar Gomezen Geroa Baik 2.
Navarra Sumak zinegotzi bat beharko luke gehiengo osorako (14) eta EH Bilduk PSNren eta Geroa Bairen botoak beharko lituzke 14 zinegotziren babesa izan eta Joseba Asiron alkatetzan mantentzeko. Sozialistek, baina, argi utzi dute ez dutela EH Bildurekin itunik hitzartzeko asmorik, eta Maria Esporrinek gaur bertan baieztatu du hirugarren indarra izan arren, alkate izateko hautagai gisa aurkeztuko dela ekainaren 15eko inbestidurara.
Atzo, aukera horretaz galdetuta, Joseba Asiron Iruñeko egungo alkateak baztertu egin zuen Maite Esporrin alkategai sozialistari babesa ematea, eta era berean, PSNri laguntza eskatu zion Nafarroako hiriburuko alkate izateko berriro.
Esporrinek argi eta garbi utzi du ez duela EH Bildurekin negoziatuko baina koalizio abertzaleari "erantzukizunez jokatzeko" eskatu dio Udala "eskuinaren esku eror ez dadin". Iruñean Navarra Sumak ez gobernatzea "EH Bilduren esku" egongo dela ere gehitu du gaur Radio Euskadin.
Ekainaren 15eko udal osaketan, inongo hautagaik ez baditu 14 boto lortzen, automatikoki, maiatzaren 26ko hauteskundeetan boto gehien lortu zituen zerrendako lehen hautagaia izendatuko dute alkate, Enrique Maya, alegia.
Ana Elizalde UPNko ordezkariak, bere aldetik, gogorarazi nahi izan du Navarra Suma izan dela Nafarroan boto gehien lortu dituen aukera, eta hori argi izanda, PSNrekin akordioak egiteko prest daudela ere gehitu du.
Iñaki Cabases (Geroa Bai), berriz, itxaropentsu agertu da bai Iruñeko Udalean baita Nafarroako Gobernuan ere Navarra Sumari irabazteko aukerarekin.
Zentzu horretan, bilera erronda hasiko du datorren astean PSNko buru Maria Chivitek Geroa Bairekin eta Izquierda Ezkerrarekin Nafarroan Navarra Sumak gobernatu ez dezan. Dena dela, horien botoak eskuratuko balitu ere, EH Bilduko legebiltzarkideen abstentzioa beharko luke presidente izateko, baina esana dauka ez dituela bilera errondan sartu ere egingo.
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.