EAJk eta PSEk koalizio gobernuak osatuko dituzte Gasteiz eta Donostiako udaletan
EAJk eta PSE-EEk akordio bana egin dituzte gaur, Gasteizko eta Donostiako udaletan koalizio gobernuak osatzeko.
Donostiako Udalak ohar bidez jakinarazi duenez, EAJk eta PSE-EE adostasun batera iritsi dira elkarrekin gobernatzeko eta Eneko Goia alkateak eta Ernesto Gasco zinegotziak agerraldia egingo dute astearte honetan akordioaren xehetasunak azaltzeko.
Itunaren arabera, alkatetza eskuratzeaz gain, EAJk ondoko sailak zuzenduko ditu: Hirigintza Jasangarria eta Etxebizitza; Presidentetza, Gardentasuna, Giza Baliabideak, Herritarren Parte-hartzea eta Berrikuntza; Mugikortasuna eta Garraioa; Ogasuna eta Finantzak; Gizarte Ekintza; Kirolak, Herritarren Segurtasuna eta Babes Zibila; Kultura, Euskara eta Jaiak.
PSE-EEren ardurapean egongo dira: Garapen Ekonomikoa, Enplegua eta Turismoa; Espazio Publikoak eta Proiektu Hiritarrak; Ekologia, Hezkuntza eta Gazteria; Berdintasuna, Elkartasuna eta Eskubide Zibilak.
(Eneko Goiak alkate kargua hartu zuen unea. Argazkia: EFE)
Gasteizen, Gorka Urtaran alkateak eta Maider Etxebarria talde sozialistaren bozeramaileak agerraldia egin dute, akordioaren berri emateko.
Azaldu dutenez, EAJk ondoko sailak kudeatuko ditu: Alkatetza; Ekonomia, Lurraldea eta Klimaren aldeko Ekintza; Mugikortasuna eta Espazio Publikoa; Giza Baliabideak; eta Kirola eta Osasuna. Halaber, TUVISA, Ingurumenaren Ikerketarako Zentroa eta Zabalgunea 21 sozietatea jeltzaleen ardurapean egongo dira.
PSE-EEk, berriz, ondoko sailak kudeatuko ditu: Sustapen Ekonomikoa, Enplegua, Merkataritza eta Turismoa; Gizarte Politikak, Gardentasuna eta Zentro Zibikoak; Kultura; eta Hezkuntza. Era berean, AMVISA, GILSA, Luis Aranburu Musika Eskola eta Jose Uruñuela Dantza Kontserbatorioa zuzenduko ditu.
Urtaranek erantsi du datozen egunetan aukeratuko dituzte sail bakoitzerako arduradunak eta aurrerago egingo dutela publiko gobernuaren plana datozen lau urteetarako.
Zure interesekoa izan daiteke
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".