Nafarroako Parlamentuak gaur abiatuko du X. legegintzaldia
Gaur, asteazkenarekin, 11:00etan, abiatuko da Nafarroako Parlamentuko X. legegintzaldia, ganbera osatzeko saioarekin. Gaurkoak aparteko garrantzia du, datozen lau urteetan ganbera zuzenduko duten presidentea eta Mahaia aukeratuko baitituzte parlamentariek. Horrez gain, osaketak Nafarroako Gobernua eratzeko behar diren itunen norabidea erakutsiko du.
Ganbera eratzeko saioa Koldo Martinezek (Geroa Bai) gidatuko du, parlamentari hautetsietan helduena baita, eta Alberto Bonilla (Navarra Suma) eta Carlos Mena (PSN) izango dira idazkariak, bi gazteenak. Hirurek Adineko Mahaia osatuko dute, Parlamentuko Mahaia eratu arte saioa zuzenduko duena.
Saioa abiatu ostean, karguaren zina edo promesa egin beharko dute 50 forudunek (Navarra Sumako 20, PSNko 11, Geroa Baiko 9, EH Bilduko 7, Podemos-Ahal Duguko 2 eta Izquierda-Ezkerrako 1). Nafarroako Foru Eraentza errespetatuko dutela, Konstituzioari eta legeei men egingo dietela eta karguak berarekin dituen betebeharrak zorrotz beteko dituztela zin egin edo hitza emango beharko dute parlamentari hautetsiek, "Bai, hitzematen dut" edo "Bai, zin dagit" formulak erabilita.
Mahaiko bost kideak hautatuko dituzte
Jarraian, Parlamentuko Mahaia osatuko duten kideak hautatuko dituzte. Mahaia presidenteak, bi presidenteordek eta bi idazkarik osatuko dute. Ganberako presidentea aukeratuko dute lehenengo, Adineko Mahaiari idatziz igorritako hautagaien artean.
Presidentea txartel bidez egingo den isilpeko bozketaren bidez hautatuko dute. Foru parlamentarien gehiengo osoaren aldeko botoa jasotzen duen hautagaia izango da presidente. Gehiengoa lortuko ez balitz, bigarren bozketa bat egingo litzateke, eta kasu horretan boto gehien jaso dituzten bi pertsonak izango dira hautagaiak. Bigarren bozketa horretan, boto gehien jasotzen dituen hautagaia izendatuko dute presidente.
Bigarren bozketan berdinketa izango balitz, hirugarren bozketa bat egingo da berdindutako hautagaien artean, eta boto gehien jasotzen dituena hautatuko dute. Hirugarren bozketan berriro berdinketa izango balitz, helduena aukeratuko lukete presidente.
Segidan, bi presidenteordeak eta bi idazkariak aukeratuko dituzte.
Parlamentua osatzen denetik 10 eguneko epean, Parlamentuko presidenteak ordezkariak talde parlamentarioen bozeramaileekin bilera sorta egin eta presidentegaia izendatuko du. Hauteskundeak izan zirenetik, maiatzaren 26tik, hiru hilabete ditu Parlamentuak presidentea aukeratzeko.
Mahaikideak hautatuko dituzte lehenengo. Argazkia: Nafarroako Parlamentua
Balizko itunen arrastoak
Gaurko saioak "garrantzi politiko handia" izango duela nabarmendu dute askok, izan ere, Gobernua osatzeko beharrezkoak diren itunen nondik norakoak argi ditzake.
Jakina denez, PSNk eta Geroa Baik nahi dute Parlamentuko Presidentetza. Sozialistek, baina, ez dute EH Bildu Mahaian nahi, eta, hain zuzen ere, hori da akordioa lortzeko oztopo nagusia. Dena dela, PSN prest omen dago Mahaiko Presidentetza Geroa Bairi uzteko.
Kontuak kontu, PSNk, Geroa Baik, Podemos-Ahal Duguk eta Izquierda-Ezkerrak azken unera arte negoziatzen jarraituko dute, eta 11:00etan Nafarroako Parlamentua osatzeko bilkura hasi aurretik berriro batzartuko dira.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.